ޕާކިސްތާންގެ ސިއާލްކޯޓަށް އަމިއްލަ އެއަރލައިނެއް ދާދި އަވަހަށް ލިބޭނެއެވެ. ސިއާލްކޯޓް ފައި ފަށާ މިއައު އެއަރލައިން އެއަރސިއާލްއަކީ ޕާކިސްތާންގެ ތިންވަނަ ޕްރައިވެޓް އެއަރލައިނެވެ. މސިއާލްކޯޓުގެ ވިޔަފާރިވެރިން އަމިއްލައަށް ފަށާފައިވާ މިއެއަރލައިން ބޮޑު ވަޒިރު އިމްރާން ޚާން މާދަމާ ރަސްމީކޮށް ފަށްޓަވައި ދެއްވާނެއެވެ.
އެއަރސިއާލް އިން ވަނީ އެއަރ ބަސް އޭ 320 މަރުކާގެ ތިން ބޯޓެއް ކުއްޔަށް ހޯދާފައެވެ. މި ބޯޓުތަކުގެ ދަތުރުތައް އޮންނާނީ ކަރާޗީ ލާހޯރު އިސްލާމްއާބާދު ސިއާލްކޯޓު ޕޭޝަރާ ދެމެދުގައެވެ.
ދެއަހަރުގެ ފަހުން މެދުއިރުމައްޗަށް ދަތުރުތައް ފަށާނެ ކަމަށް އަންދާސާ ކޮށްފައި ވެއެވެ. ފަރަތަމަ މަންޒިލަކީ ޔޫއޭއީކަމަށް ލަފާކުރެވެއެވެ.
އެއަރސިއާލްގެ ކުންފުނީގައި ތިބެނީ ސިއާލްކޯޓުގެ އެއަރޕޯޓް ތަރައްގީ ކުރުމުގައި ބައިވެރިވި ވިޔަފާރި ވެރިންނެވެ. 360 ފަރާތަކުން ވެގެން ވަނީ ސިއާލްކޯޓުގެ އެއަރޕޯޓް 4 ބިލިއަން ޕާކިސްތާނީ ރުޕީސްއަށް ބިނާކޮށްފައެވެ.
އެއަރސިއާލްގެ ކުރޫންގެ ޔުނިފޯމް ޑިޒައިންކޮށްފައިވަނީ ޕާކިސްތާންގެ މަޝްހޫރު ޑިޒައިނަރ ނުޢުމީ އަންސާރީއެވެ.
