މޮރޮކޯގައި މިހާރު ކުރިއަށްދާ ފީފާ ކްލަބު ވަރލްޑް ކަޕުގެ ސެމީފައިނަލުގެ ދެވަނަ މެޗުގައި އެފްރިކާގެ ޗެމްޕިއަން މިސްރުގެ އަލް އަހްލީ 1-4 އިން ބަލިކޮށް ޔޫރަޕުގެ ޗެމްޕިއަން މަޝްހޫރު ރެއާލް މެޑްރިޑް ފައިނަލުން ރޭ ޖާގަ ހޯދައިފިއެވެ.
ޕްރިންސް މުއަލޭ އަބްދުﷲ ސްޓޭޑިއަމްގައި ކުޅުނު މިމެޗުގައި ރެއާލްގެ ފަހު ދެލަނޑު ކާމިޔާބުކޮށް ތަފާތު ބޮޑު ކުރީ މެޗުގެ އިތުރުގެ ވަގުތުގެ ތެރޭގައި ކާމިޔާބު ކުރި ދެލަނޑުންނެވެ.
ރެއާލްއަށް މެޗުގެ ލީޑް ނެގައިދިނީ 42 ވަނަ މިނެޓުގައި އަހްލީގެ ޑިފެންޑަރަކަށް ހެދުނު ގޯހެއްގެ ފައިދާ ނަގައި ބްރެޒިލްގެ ވިންގަރ ވިނީޝިއަސް ޖޭއާރެވެ. ދެވަނަ ހާފް ފަށައިގެންވެސް ރެއާލްއަށް ދިމާވީ ނަސީބު ރަނގަޅު ކޮށެވެ. ރެއާލްއިން އުފެއްދި ހަމަލާއެއް އަހްލީގެ ކީޕަރު ދިފާއުކުރަން އުޅުމުގެ ތެރޭގައި އޭނާގެ އަތުގައި ޖެހިފައި އޭރިޔާގެ ތެރެއަށް ބޯޅަ ދޫވި ވަގުތު ލިބުނީ ވަލްވާޑޭއަށެވެ. އޭނާ ވަނީ ކައިރީގައި ހުރި ޑިފެންޑަރަށާއި ކީޕަރަށް އެއްވެސް ފުރުސަތެއް ނުދީ އަހްލީގެ ގޯލު ދާގަނޑުގައި ބޯޅަ ތަތްކޮށްލާފައެވެ. އަހްލީއަށް ހިތްވަރެއް ލިބުނީ ޕެނަލްޓީއަކުން އަލީ މާލޫލް 65 ވަނަ މިނެޓުގައި ލަނޑެއް ޖަހައި ފަރަގު ކުޑަ ކުރުމުންނެވެ. އޭގެ ފަހުން ރެއާލްއަށް ލީޑް ފުޅާ ކުރަން ރަނުގެ ފުރުސަތެއް ލިބުނެވެ. އޭރިޔާގެ ތެެރެއިން ވިނީޝިއަސްއަށް ފައުލް ކުރި ބަލައި ރެފްރީ ރެއާލްދިން ޕެނަލްޓީ ތަޖުރިބާކާރު މިޑްފީލްޑަރު ލޫކާ މޮޑްރިޗް ފޮނުވާލުމުން އަހްލީގެ ކީޕަރު އަދި މިސްރުގެ ގައުމީ ޓީމުގެވެސް ކީޕަރުކަން ކުރަމުން އަންނަ މުހައްމަދު އަލް ޝިނާވީ ގޮމާ ދިފާއު ކުރީއެވެ. ރެެއާލްއިން މެޗުގެ ލީޑް ފުޅާ ކުރީ 92 ވަނަ މިނެޓުގައި ބްރެޒިލްގެ ފޯވާޑް ރޮޑްރީގޯ އަދި ސްޕެއިނުގެ އުއްމީދީ މިޑްފީލްޑަރު ސާޖިއޯ އައްރިބަސް 98 ވަނަ މިނެޓުގައި ކާމިޔާބު ކުރި ލަނޑުންނެވެ.
ފައިނަލުގައި ރެއާލް ވާދަކުރަން ޖެހޭނީ އޭޝިޔާގެ ޗެމްޕިއަން ސައުދީގެ އަލް ހިލާލްއާއެވެ. ހިލާލް ފައިނަލުން ޖާގަ ހޯދީ ދެކުނު އެމެރިކާގެ ޗެމްޕިއަން ބްރެޒިލްގެ ފްލެމިންގޯ 2-3 އިން ބަލިކޮށްފައެވެ.
ރެއާލް އާއި ހިލާލް ބައްދަލު ކުރާ ފައިނަލް މެޗް ކުޅޭނީ ކުރިއަށް އޮތް ހޮނިހިރު ދުވަހުގެ ރޭ ރާއްޖޭ ގަޑިން ދަންވަރު 12:00 ގައެވެ.
މެޗުގެ އުސްއަލިތަކުގެ ލިކްން:
