ސައުދީ އަރަބިއްޔާގެ އަލް އިއްތިހާދަށް ކުޅެމުން އަންނަ ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާގެ މަގާމުގައި ހުރި ކަރީމް ބެންޒީމާ ޢުމްރާގެ މަތިވެރި އަޅުކަން އަދާކޮށްފިއެވެ.
ކައުބަތުﷲ ގެފުޅު ފެންނަ ގޮތަށް ނަގާފައިވާ ފޮޓޯއަކާއި ވީޑިއޯއެއް ބެންޒީމާ އިއްޔެ ވަނީ ޓްވިޓާގައި އޭނާ ފްލޯ ކުރަމުން އަންނަ 20.5 މިލިޔަން ފޭނުންނާއި ހިއްސާ ކޮށްފައެވެ. ވީޑިއޯގައި ބެންޒީމާ ބުނީ "މާޝާﷲ މިއީ ފުރިހަމަ ކަމުގެވެސް އެންމެ ފުރިހަމަކަން" ކަމުގައެވެ.
https://twitter.com/Benzema?ref_src=twsrc%5Etfw%7Ctwcamp%5Etweetembed%7Ctwterm%5E1688317224069595137%7Ctwgr%5E962abf857bc24cf5038703759aec4c7d1080b470%7Ctwcon%5Es1_&ref_url=https%3A%2F%2Fwww.arabnews.com%2Fnode%2F2351086%2Fsaudi-sport
މިފަހަރުގެ ޓްރާންސްފާ މާކެޓުގައި ބެންޒީމާ ރެއާލް މެޑްރިޑް ދޫކޮށް އަލް އިއްތިހާދާ ގުޅުނީ 3 އަހަރުގެ އެއްބަސްވުމެއްގެ ދަށުން 215 މިލިޔަން ޑޮލަރުގެ މުސާރައަކަށެވެ. އިއްތިހާދަށް ބަދަލުވުމަށްފަހު ބެންޒީމާ އޭރުވެސް ބުނީ ސައުދީއަށް ބަދަލުވުމުގެ މައިގަނޑު ބޭނުމަކީ މާތްވެގެންވާ މައްކާ އާއި މަދީނާ ކައިރީގައި ދިރިއުޅެން ބޭނުންވާތީ ކަމުގައެވެ.
