ހުޅުމާލޭގައި ދިރިއުޅޭ މީހެއް ގެއްލިގެން ހޯދަމުންދާ ކަމަށް ފުލުހުން މިއަދު އިއުލާންކޮށްފިއެވެ.
ފުލުހުން ބުނީ ގެއްލިގެން ހޯދަމުންދަނީ ހއ. ބާރަށް / ސައިނިންގސްޓަރ، މުހައްމަދު ތައުފީގު (35އ) އެވެ. އަދި އާއިލާއިން އޭނާގެ ހަބަރެއް ނުވެގެން ފުލުހުންނަށް ރިޕޯޓުކޮށްފައިވަނީ މިއަދު 13:35ކަށްހާއިރުކަމަށް ފުލުހުން ބުންޏެވެ.
މީގެއިތުރުން ބުނ ތައުފީގު އެންމެ ފަހުން ފެނިފައިވަނީ އޭނާ ދިރިއުޅޭ އެޕާޓްމަންޓް ކައިރިން މިމަހުގެ 22 ވަނަ ދުވަހުރޭ 11:00 ހާއިރު ކަމަށެވެ. އަދި އޭރު އޭނާ ލައިގެން ހުރީ ގޮޅިޖެހި ރަތްކުލައިގެ ގަމީހަކާއި ނޫކުލައިގެ ޖީންސެއް ކަމަށް އޭނާގެ އާއިލާއިން ވަނީ ފުލުހުންނަށް މައުލޫމާތު ދީފައެވެ.
މުހައްމަދު ތައުފީގުގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަންބަރު 9393351 އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިފައެވެ.
