ބަޔަކާ ގުޅިގެން މީހަކު ރަހީނުކޮށް އަނިޔާކުރިކަމުގެ ތުހުމަތުގައި އަލީ ޝާހިދު (ސްޓެޕް އައްޔަ) ހައްޔަރުކޮށްފިއެވެ.
އިތުރު ބަޔަކާ ބައިވެރިވެގެން މާލޭގެ ގެއެއްގައި ފިރިހެނަކު ހިފަހައްޓައި އަނިޔާކޮށް، އަދި އޭނާގެ ބޭންކު އެކައުންޓުން ފައިސާ ޓްރާންސްފާ ކުރި މައްސަލައެއް މިމަހުގެ ހަތަރުވަނަ ދުވަހު ހުށަހަޅާފައިވާ ކަމަށާއި އެމައްސަލައާ ގުޅިގެން އިއްޔެ 43 އަހަރުގެ ފިރިހެނަކު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށް ފުލުހުން ވަނީ ބުނެފައެވެ.
މި މައްސަލައިގައި ހައްޔަރުކޮށްފައިވަނީ ސްޓެޕް އައްޔަކަމަށް މައުލޫމާތު ވަނީ ލިބިފައެވެ.
ފުލުހުން އަންނަނީ، މި މައްސަލަ އިތުރަށް ތަހުގީގު ކުރަމުންނެވެ.
ރާއްޖެ އަމާންކުރުމަށް މިފަދަ ކަންކަމުގެ ވަށައިގެންވާ އެންމެހައި ކަންތައް ހޯދުމަށް އެންމެ ފުނަށް ފީނައި، އެފަދަ ފަރާތްތަކަށް އެފަދަ ދެވަނަ ފުރުޞަތެއް ނުލިބޭނެހެން ޝަރުޢީ ނިޒާމުގެ ތެރެއިން ފަރުވާ ހޯދަން ޖެހޭނޫންތޯ؟