ބައިނަލްއަގުވާމީ ރަހްމަތްތެރި ކަމުގެ މެޗެއްގައި ޖަރުމަނުން 2-1 އިން ރޭ ސްޕެއިން ބަލިކޮށްފިއެވެ.
ޖަރުމަނުން މިމެޗުގައި ލީޑް ނެގީ 4 ވަނަ މިނެޓުގައި ތޯމަސް މުލާގެ ލަނޑުންނެވެ. ޖަރުމަނުގެ ދެވަނަ ލަނޑު ލެރޮއީ ސާނޭ ކާމިޔާބު ކުރީ 87 ވަނަ މިނެޓުގައެވެ. އޭގެ އެއްމިނެޓް ފަހުން ލިބުނު ޕެނަލްޓީއަކުން ފްރާންސަށް ފަރަގު ކުޑަކޮށްދިނީ މިމެޗުގައި ކެޕްޓަން ބޭންޑް އަޅައިގެން ކުޅުނު ފޯވާޑް އެންޓޯނިއޯ ގްރީޒްމަންއެވެ.
މިމެޗުގައި ފްރާންސްގެ އެންމެ ނުރައްކާތެރި ކުޅުންތެރިޔާ ކިލިއަމް އެމްބައްޕޭ ނުކުޅެއެވެ. ޖަރުމަނަށް ބަލާއިރު އެގައުމުން މެޗަށް ނިކުތީ 1-3-2-4 ފޯމޭޝަނަށެވެ. މަޝްހޫރު ކައި ހަވާޓްޒްގެ ބަދަލުގައި ފުރަތަމަ އެގާރައިން ޖާގަ ދީފައި ވަނީ ބަޔާލެވަކޫސަންއަށް ކުޅެމުން އަންނަ އުމުރުން އެންމެ 20 އަހަރުގެ އެޓޭކިންގ މިޑްފީލްޑަރު ފްލޯރިއަން ވާޓްޒް (ފޮޓޯ) އަށެވެ. އާންމުކޮށް ފޯވާޑުގެ ފަހަތުން ކުޅޭ ތޯމަސް މުލާ މިމެޗުގައި ކުޅުނީ ސެންޓަރ ފޯވާޑަކަށެވެ.
މެޗުގެ އުސްއަލިތައް:
ދަށް ނަތީޖާތައް ލިބެމުން ދިޔުމުގެ ސަބަބުން ކޯޗްކަމުން ހަންސީ ފްލިކް މީގެ އެއްދުވަސް ކުރިން ވަކިކޮށްފައިވާތީ މިމެޗުގައި ޖަރުމަނަށް އިރުޝާދު ދިނީ އެގައުމުގެ 20 އަހަރުން ދަށުގެ ކޯޗް ހޭނެސް ވޮލްފެވެ. މީގެ ކުރިން ވޮލްފް ވަނީ ޖަރުމަނުގެ 18 އަދި 19 އަހަރުން ދަށުގެ ގައުމީ ޓީމަށްވެސް އިރުޝާދު ދީފައެވެ.
