ސައުދީ ޕްރޯ ލީގުގައި ބްރެޒިލްގެ މަޝްހޫރު ނޭމާ ކުޅުނު ފުރަތަމަ މެޗުގައި އަލް ހިލާލުން 6-1 ގެ ބޮޑު ތަފާތަކުން އަލް ރިޔާދުގެ މައްޗަށް ކުރި ހޯދައިފިއެވެ.
މިފަހަރުގެ ޓްރާންސްފާ މާކެޓުގައި ފްރާންސްގެ ޕީއެސްޖީ ދޫކޮށް ހިލާލްއާ ގުޅުނު ނޭމާ މިމެޗުގައި ކުޅެން ނިކުތީ ބަދަލު ކުޅުންތެރިއެއްގެ ގޮތުގައެވެ. ނޭމާ ކުޅެން ނިކުމެ ތަނަވަސްކޮށްދިން ފުރުސަތަކުން ބްރެޒިލް ގައުމީ ޓީމަށް ކުރިން ކުޅުނު މަކޮމް ލަނޑެއްވެސް ޖެހިއެވެ. ހިލާލަށް ދެން ލަނޑު ޖަހައިދިނީ ސާބިޔާގެ ފޯވާޑް އެލަގްޒަންޑާ މިޓްރޮވިކް، ޔާސިރް އަލް ޝަހްރާނީ، ނާސިރް އަލް ދާސަރީ އަދި ސާލިމް އަލްދާސަރީއެވެ. ސާލިމް ވަނީ ދެލަނޑު ކާމިޔާބު ކޮށްދީފައެވެ. ރިޔާދުގެ ހަމައެކަނި ލަނޑު މެޗުގެ އިތުރު ވަގުތުގައި ކާމިޔާބު ކޮށްދިނީ އަލީ އަލް ޒަގާންއެވެ.
އަލް ހިލާލް - ރިޔާދް ބައްދަލު ކުރި މެޗުގެ އުސްއަލިތައް:
ސައުދީ ޕްރޯ ލީގުގައި ލީގުގައި ކުޅުނު އެހެން މެޗުތަކަށް ބަލާއިރު، ދުނިޔޭގެ އެންމެ މޮޅު ކުޅުންތެރިޔާގެ މަގާމުގައި ހުރި ކަރީމް ބެންޒީމާގެ ހަމައެކަނި ލަނޑުން 1-0 އިން އަލް އިއްތިހާދުން އަލް އަޚްދޫދް އަތުން މޮޅުވެފައެވެ.
މިރޭ ކުޅުމަށް ހަމަޖެހިފައިވާ މެޗުތަކުގެ ތެރޭގައި މަޝްހޫރު ކްރިސްޓިއާނޯ ރޮނާލްޑޯގެ އަލް-ނަސްރު ރާއްޖޭގަޑިން 20:00 ގައި ބައްދަލު ކުރާނީ އަލް ރައެދާއެވެ.
