ހާލުގައި އޮތް މަޝްހޫރު މެންޗެސްޓަރ ޔުނައިޓެޑް، އިނގިރޭސި ޕްރިމިއަރ ލީގުގައި ރޭ ނިއުކާސަލް ޔުނައިޓެޑް އަތުން 1-0 އިން ބަލިވެއްޖެއެވެ.
ނިއުކާސަލްގެ ދަނޑުގައި ކުޅުނު މިމެޗުގައި ނިއުކާސަލްއިން ވަނީ މުޅި މެޗް ކޮންޓްރޯލްކޮށްގެން ކުޅެ ޔުނައިޓެޑުގެ ގޯލަށް 22 ހަމަލާ ފޮނުވާލާފައެވެ. މީގެ ތެރެއިން ޔުނައިޓެޑުގެ ގޯލަށް އަމާޒުވީ ހަތަރު ހަމަލާއެވެ. ނިއުކާސަލްގެ ލަނޑު 55 ވަނަ މިނެޓުގައި ކާމިޔާބު ކޮށްދިނީ އެންތޮނީ ގޯޑޮންއެވެ.
މިއީ 1922 ވަނަ އަހަރުގެ ފަހުން ޖެހިޖެހިގެން ޔުނައިޓެޑުގެ މައްޗަށް ނިއުކާސަލްއިން ހޯދި ތިންވަނަ މޮޅެވެ. މިމޮޅާއެކު ތާވަލުގެ 5 ވަނައިގައި ނިއުކާސަލް އޮތީ 26 ޕޮއިންޓާއެކުއެވެ.
ޔުނައިޓެޑަށް ބަލާއިރު މިދިޔަ ހަފްތާގައި ޗެމްޕިއަންސް ލީގުގައި ގަލަތަސަރާއީ އަތުން 3-3 އިން އެއްވަރުވި މެޗުގެ ހަނދާންތައް ޔުނައިޓެޑުގެ ކުޅުންތެރިން ސިކުނޑިން އަދިވެސް ފިލައި ނުދާކަން މިމެޗުން އެނގެއެވެ. އަނެއްކޮޅުން ނިއުކާސަލް އަތުން ރޭ ޔުނައިޓެޑްވި ބައްޔަކީ ޕްރިމިއަރ ލީގުގައި މިސީޒަނުގައި އެޓީމްވި 6 ވަނަ ބައްޔެވެ. މޮޅުވީ 8 މެޗުންނެވެ. ބައިކޮޅަށް 17 ލަނޑު ވަދެފައިވާއިރު ކާމިޔާބު ކުރެވިފައި ވަނީ 16 ލަނޑެވެ. ލީގުގެ ހަތްވަނައިގައި ޔުނައިޓެޑް އޮތީ 24 ޕޮއިންޓާއެކުއެވެ.
