ރައީސުލްޖުމުހުރިއްޔާ ޑރ. މުހައްމަދު މުއިއްޒު, އެމްޑީއޭގެ ލީޑަރ އަހްމަދު ޝިޔާމް މުހައްމަދާއި މިއަދު ބައްދަލު ކުރައްވައިފިއެވެ.

އެހެން ސިޔާސީ ލީޑަރުންނާ ބައްދަލު ކުރެއްވި ގޮތަށް މި ބައްދަލުކުރެއްވުންވެސް ކުރިއަށް ދިޔައީ ރައީސުލްޖުމްހޫރިއްޔާގެ އޮފީހުގައެވެ.

މި ބައްދަލު ކުރެއްވުމުގައި މަޝްވަރާ ކުރެއްވި ކަންކަމުގެ ތަފްސީލް އެއްވެސް ފަރާތަކުން އަދި ހާމަކޮށްފައެއް ނުވެއެވެ.

ސިޔާމް މުއިއްޒުއާއި ބައްދަލުކުރައްވާފައި މިވަނީ، ކުރިޔަށް އޮތް ތައްޔިތުންގެ މަޖިލިހުގައި ވާދަކުރުމަށް ސިޔާމް އެމްޑީއޭއިން ޕިއެންސީގެ މަޖިލިސް ޕްރައިމަރީގައި ވާދަކުރުމުގެ ފުރުސަތު ޕީޕީއެމް/ޕީއެންސީން ހުޅުވާލާފައި ވަނިކޮށެވެ. އެހެންނަމަވެސް ޕީޕީއެމް/ޕީއެންސީގެ ޕްރައިމަރީގައި ވާދަކުރުމަށް ފޯމު ހުށަހެޅުއްވީ ކިތަށް މެމްބަރުންކަމެއް ސާފުވެފައެއް ނުވެއެވެ.

ވެރިކަންކުރާ ކޯލިޝަންގައި އެމްއެންޕީއާއި ހިމެނުނު ނަމަވެސް، އެޕާޓީގެ ތެރެެއިން ކެބިނެޓްގައި އެމްޑީއޭ ތަމްސީލެއް ނުކުރެއެވެ. އަދި އެ ޕާޓީއަކީ ކެމްޕޭންގައިވެސް އެއްވެސް ދައުރެއް އަދާކޮށްފައިވާ ޕާޓީއެއްވެސް ނޫންކަން ފާހަގަ ކޮށްލެވެއެވެ.

އެމްޑީއޭއިން ރިޔާސީ އިންތިޚާބުގެ ފުރަތަމަ ބުރުގައި ތާއީދު ކޮށްފައިވަނީ ރައީސް ސާލިހަށެވެ. އެހެންނަމެސް ރައީސް ސާލިހަށް އިންތިޚާބު ކާމިޔާބު ނުކުރެވޭނެކަމަށް ބަލާ، އެމްޑީއޭއިން ވަނީ ފުރަތަމަ ބުރުގެ ނަތީޖާއަށްފަހު އެ ކޯލިޝަން ރޫޅާލާފައެވެ.