ރާއްޖެއިން މިހާތަނަށް 880 މީހަކަށް ކޮވިޑް-19 ގެ ވެކްސިން ދީފިއެވެ.
އެޗްޕީއޭ އިން ބުނީ އިއްޔެ 554 މީހަކަށް ވެކްސިން ދީފައިވާ ކަމަށާއި އަދި މުޅި ޖުމްލަ 880 މީހަކަށް މިހާތަނަށް ވެކްސިން ދީފައިވާ ކަމަށެވެ. މާލެ ސަރަހައްދުން މިހާތަނަށް 666 މީހަކަށް ވެކްސިން ދީފައިވާ ކަމަށްވެސް އެޗްޕީއޭ އިން ބުނެއެވެ.
މާލޭ ސަރަހައްދުގެ ހަ ތަނެއްގައި ވެކްސިން ޖެހުން ކުރިއަށް ގެންދާއިރު، ހދ. ކުޅުދުއްފުއްޓާއި އައްޑޫ ސިޓީ ހިތަދޫގެ އިކްއެޓޯރިއަލް ހޮސްޕިޓަލުގައި ވެސް އިއްޔެ ވެކްސިން ޖަހަން ވަނީ ފަށާފައެވެ.
