ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަޢުދުފުޅާ އެއްގޮތަށް މަސްވެރިންނަށް ހުޅުމާލެއިން ވިއްކާ ތެލުގެ އަގު, ޝެޑްތަކުން ވިއްކާ އަގަށް ހެޔޮ ކޮށްފިއެެވެ.

މި ކަން ހާމަ ކުރައްވާ ފިޝަރީޒް މިނިސްޓަރީން ވަނީ ރޭ ފޭސްބުކުގައި ޕޯސްޓެއްކުރައްވާފައެވެ.

އެ ޕޯސްޓްގައި ވަނިީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިސް ނަންގަވައިގެން މަސްވެރިންނަށް ހުޅުމާލޭން ވިއްކާ ތެލުގެ އަގު ޝެޑްތަކުން ވިއްކާ އަގަށް ހެޔޮކޮށްފައިވާ ކަމަށެވެ.

އަދި މި އިންތިޒާމް ހަމަޖެއްސީ ސަރުކާރުގެ މެނިފެސްޓޯގައިވާ ވައުދު ފުއްދުމައްޓަކައި ކަމަށް ފިޝަރީޒް މިނިސްޓްރީން ވިދާޅުވެފައިވެއެވެ. އެހެން ނަމަވެސް އެކަމުގެ އިތުރު ތަފްސީލެއް މިނިސްޓްރީން ހާމަ ކުރައްވާފައެއް ނުވެއެވެ.

ބޮޑު ކަންނެލި މަސްވެރިންގެ ޔޫނިއަނުން، އިއްޔެ ވަނީ ސަރުކާރުން މަސްވެރިންނަށް ވީ ވައުދު ނުފުއްދާތީ އެކަމާ ހިތްހަމަ ނުޖެހި މާލޭ އެއް ނަންބަރު ޖެޓީ ސަރަހައްދުގައި މުޒާހަރާ ކޮށްފައެެވެ. އެ މުޒާހަރާގައި ބައިވެރިން ވަނީ ‏ކަންނެލި މަސްވެރިކަމަށް، ލޭނު އެޅުމަށް ހުއްދަ ނުދިނުމަށާއި އެއްގަމު ޝެޑް ތަކުން ޑީސަލް ގަންނަން ލިބޭ އަގަށް، ކަންނެލި މަސްވެރިންނަށް ޑީސަލް ގަންނަން ލިބޭނެ ގޮތް ހެދުމަށް ސަރުކާރަށް ގޮވާލާފައެެވެ.

އިތުރު ލިޔުންތައް ފިޝަރީޒް މިނިސްޓްރީ