އެމް.އެޗް.އާރު ޓްރޭޑިން ޕްރައިވެޓް ލިމިޓެޑަކީ މިއަދު ދިވެހިރާއްޖޭގައި އެންމެ ފުޅާކޮށް ވިޔަފާރި ކުރަމުން އަންނަ އެއް ކުންފުންޏެވެ. ކަސްޓަމަރުންގެ އިތުބާރާއި ޔަގީންކަން ހޯދާފައިވާ މި ވިޔަފާރި ދަނީ ކަސްޓަމަރުންނަށް ފަސޭހަ ގޮތްތަށް ތަޢާރަފްކޮށްދީ، އެފަރާތްތަކުން ބޭނުންވާ މުދާތަށް ދުނިޔޭގެ އެކިކަންކޮޅުތަކުން ރާއްޖެއަށް ގެނެސް ރައްޔިތުންނަށް ހެޔޮ އަގުގައި ފޯރު ކޮށްދެމުންނެވެ.

އެމް.އެޗް.އާރު ވިޔަފާރި އުފެދިގެން އައީ މީގެ 50 ވަރަކަށް އަހަރު ކުރިންނެވެ. އެމްއެޗްއާރުގެ ބާނީ, މަރްހޫމް މަހުމޫދް ހުސައިން އޭރު ވިޔަފާރި ކުރަމުން އައީ މާލޭ ބާޒާރު ސަރަހައްދުގައި "ރ. އަތޮޅު ފިހާރަ" މި ނަން މަތީގައެވެ.

އެމް.އެޗް.އާރު އެންމެ ފުރަތަމަ އެ ފިހާރައިގެ ވިޔަފާރި ފެށީ ކޮންސްޓްރަކްޝަނަށް ބޭނުންވާ މުދާ ވިއްކާ ފިހާރައެއް ގޮތުގައެވެ. ނަމަވެސް އެމްއެޗްއާރުން ވަނީ, އޭރު ހަމައެކަނި ވިއްކަމުން އައި ސިމެންތި ބަސްތާތަކާއި ވެލި ބަސްތާތަކަށްވުރެ ވިޔަފާރި ފުޅާކޮށް, ރައްޔިތުންގެ އާއްމު ދިރިއުޅުމަށް ބޭނުންވާ ސާމާނު ހޯލްސޭލް ކުރާ ވިޔަފާރިއަކަށް ވެފައެވެ.

މަހުމޫދް ހުސައިން ހުސައިން ނިޔާވުމާއެކު އޭނާގެ ނުވަ ދަރިން ވަނީ, ބައްޕަގެ ވިޔަފާރި އިތުރަށް ކުރި އެރުވުމަށް ޓަކައި އެ ވިޔަފާރި ރަސްމީކޮށް ކުންފުންޏެއްގެ ގޮތުގައި ރަޖިސްޓްރީކޮށް, އަހަރެމެން އެންމެން ދަންނަ "އެމް.އެޗް.އާރު ޓްރޭޑިން ޕްރައިވެޓް ލިމިޓެޑް" އަށް އެ ކުންފުނީގެ ނަން ބަދަލުކޮށްފައެވެ.

"އެމް.އެޗް.އާރު" މި ނަމަކީ, އެ ވިޔަފާރީގެ އުފެންދުންތެރިޔާ ކަމުގައިވާ މަހުމޫދް ހުސައިންގެ ދެ ނަމުގެ ފުރަތަމަ އަކުރާއި, އޭނާގެ ރަށް ކަމުގައިވާ ރ. ރަސްމާދޫގެ ފުރަތަމަ އަކުރުން އުފައްދާފައިވާ ނަމެކެވެ. މި ނަމުގެ ސަބަބުން, އެމް.އެޗް.އާރު ވުޖޫދަށް ގެނައުމަށް ޓަކައި މަރްހޫމް މަހުމޫދް ހުސައިން ކުރެއްވި ބުރަ މަސައްކަތް ވަރަށް ރަނގަޅަށް ރަމްޒުކޮށްދެއެވެ.

"އެމް.އެޗް.އާރު" މި ނަމަށް އެ ކުންފުނީގެ ނަން ބަދަލުކުރި ފަހުން އެ ކުންފުނިން އައީ މަޑު މަޑުން ވިޔަފާރީގެ ދާއިރާތައް ފުޅާ ކޮށް, ރާއްޖޭގައި ހުރި ޑިމާންޑްތަކަށް އެ ކުންފުނީގެ ވިޔަފާރި އަމާޒުކުރަމުންނެވެ. މިހާރު އެމް.އެޗް.އާރުގެ ވިޔަފާރީގެ 75 އިންސައްތައަކީ އަވަހަށް ހަލާކުވާ (މޭވާ, ތަރުކާރީ އަދި މަސް ފަދަ ކާބޯތަކެތި) އަދި ޕްރޮސެސްޑް ކާނާއެވެ. ދެން އޮތް 25 އިންސައްތައަކީ ގޭތެރެ ސާފު ކުރާ ސާމާނާއި އަމިއްލަ ސާފުތާހިރުކަމަށް ބޭނުން ކުރާ ސާމާނެވެ.

އެމް.އެޗް.އާރުން ވަނީ އެ ކުންފުނީގެ ވިޔަފާރި އާއި ހިދުމަތްތައް ރަނގަޅު ކުރުމަށް ޓަކައި އެތައް އިންވެސްޓްމެންޓެއް ކޮށްފައެވެ. އޭގެ ތެރޭގައި ތަކެތި ރައްކާ ކޮށްފައި ބަހައްޓަން 10,000 ސކ.ފޫޓުގެ ތިން ގުދަނާއި ފިނި ކުރާ ސާމާނު ރައްކާކުރާނެ "ކޯލްޑް ސްޓޯރޭޖް" ގެ އިތުރުން ތަކެތި އުފުލާ ހެދުމަށް ޓަކައި އެ ކުންފުނިން ބޭނުންކުރާ 4 ލޮރީ އާއި 1 ވޭން ހިމެނެއެވެ.

އެމް.އެޗް.އާރު ޓްރޭޑިންގ ޕްރައިވެޓް ލިމިޓެޑްގެ ވިޔަފާރި އިތުރަށް ފުޅާ ކުރަމުން އަންނަ އިރު މިހާރު ވެސް އެ ކުންފުނިން ވިޔަފާރި ކުރާ ބައިވަރު ފިހާރަތައް މާލޭގައި ހުރެއެވެ. އޭގެ ތެރޭގައި:

  1. ރ. އަތޮޅު ފިހާރަ (ލޯކަލް މާރުކޭޓް)
  2. އެމް.އެޗް.އާރު ޓްރޭޑް (ލޯކަލް މާރުކޭޓް)
  3. ތަރުކާރީ ފިހާރަ (ލޯކަލް މާރުކޭޓް)
  4. ވީ. ނައިން އެންޓަރޕްރައިސް (ނޯތު ހާބަރ)
  5. އެމް.އެޗް.އާރު (ނޯތު ހާބަރ)

އެމް.އެޗް.އާރްއާ ގުޅުއްވާ އިތުރު މައުލޫމާތު ސާފުކޮށް, އެ ކުންފުނީގެ ޕްރޮޑަކްތަކާ ބެހޭ ގޮތުން ސުވާލުކުރައްވަން ބޭނުންވާ ފަރާތްތަކުން 7881213 ނުވަތަ 30004000 އަށް ގުޅުއްވުން އެދެމެވެ. އެމް.އެޗް.އާރްއަށް އީމެއިލް ކުރައްވަން ބޭނުންފުޅުވާނަމަ [email protected] މި އީމެއިލްއަށް އީމެއިލް ކުރެއްވޭނެއެވެ.

އެމް.އެޗް.އާރުގެ އޮފީސް: ހ. ސްނޫޕީ ގްރައުންޑް ފްލޯ/އަސްރަފީމަގު

އިތުރު ލިޔުންތައް