ރޭ މާފަންނު ސަރަޙައްދުގެ ގެއެއްގައި މަރުވެފައި އޮއްވާ ފެނުނު މީހާގެ ކިބައިން ޝައްކުކުރެވޭފަދަ އެއްވެއް އަލާމާތެއް ފެންނާން ނެތްކަމަށް ފުލުހުން މިއަދު ބުނެފިއެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ މަރުވެފައި އޮއްވާ ފެނުނީ މ. ނަލަހިޔާ މަންޒިލް, އުމުރުން 57 އަހަރުގެ އަހުމަދު ފަޔާޒް ކަމަށެވެ.
އަހުމަދު ފަޔާޒް މަރުވެފައި އޮތް ކަމަށް ފުލުހުންނަށް ރިޕޯޓްކޮށްފައިވަނީ ރޭ 11:33 ހާއިރުއެވެ.
ފުލުހުން ބުނީ އެ މަރާ ގުޅިގެން ތުހުމަތުކުރެވޭ ފަދަ ކަމެއް ވެސް ނެތް ކަމަށް މިހާތަނަށް ބެލި ބެލުމުން އެނގިފައިވާ ކަމަށެވެ.
