ސްކެންޑިނޭވިއަން އެއަރލައިންސް (އެސްއޭއެސް) ގެ ފްލައިޓެއްގައި، ޕަސިންޖަރެއްގެ ފްލައިޓް މީލްގައި ދިރިހުރި މީދަލެއް ފެނުމާ ގުޅިގެން، ކުއްލި ގޮތަކަށް ބޯޓު ޖައްސަން ޖެހިއްޖެއެވެ.
މި ހާދިސާ ހިނގީ ނޯވޭގެ އޮސްލޯއިން ސްޕެއިންގެ މަލާގާއަށް ދަތުރުކުރަމުންދިޔަ ފްލައިޓެއްގައެވެ. މި ހާދިސާއާގުޅިގެން މި ފްލައިޓް ލޭންޑް ކުރީ ޑެންމާކުގެ ކޯޕެންހޭގެންއަށެވެ.
އެސްއޭއެސްގެ ތަރުޖަމާނު އޮއިސްޓެއިން ޝްމިޓް މި އެމަޖެންސީ ލޭންޑިން ކަށަވަރުކޮށްދެމުން ބުނީ، ސަލާމަތީ ކަންބޮޑުވުންތަކެއް ހުރުމުގެ ސަބަބުން މި ގޮތަށް ފްލައިޓް ބަދަލުކުރަން ޖެހުނު ކަމަށެވެ. އެއީ މީދާ ބޯޓު ތެރޭގައި އުޅުމަކީ ނުރައްކަލެއް ކަމަށް ބެލެވޭތީއެވެ. ކަރަންޓު ވައިރުތަކަށް ގެއްލުން ލިބުން ހުއްޓުވުމަށް އެއަރލައިންތަކުން މިފަދަ ޖަނަވާރުތައް ބޯޓުގައި ގެންގުޅުމާ މެދު ހަރުކަށި ގަވާއިދުތަކެއް ހުރެއެވެ. "މިއީ ވަރަށް މަދުން ހިނގާ ކަމެއް،" ޝްމިޓް ބުންޏެވެ. އަދި މިފަދަ ކަމެއް އަލުން ހިނގިޔަ ނުދިނުމަށްޓަކައި އެއަރލައިނުން އެމީހުންގެ ސަޕްލަޔަރުންނާ މެދު މުރާޖަޢާއެއް ހަދާނެ ކަމަށް އޭނާ ބުނެފައިވެއެވެ.މި ހާދިސާގައި ހިމެނުނު ޕެސިންޖަރުން ފަހުން އެހެން މަތިންދާބޯޓަކުން މަލާގާއަށް ފޮނުވާލެވުނެވެ.
އެހެން ޕަސިންޖަރެއް ކަމުގައިވާ ޖާލެ ބޯރެސްޓަޑް މި މަންޒަރު ސިފަކޮށްދެމުން ބުނީ މީހުން ތިބީ ހާސްވެފައެއްނޫންކަމަށެވެ، އޭނާ ކައިރީގައި އިން އަންހެނެއްގެ ކާ ފޮށިން މީދާ ނުކުތް ކަމަށް އޭނާ ކިޔައިދިނެވެ. މި ހާދިސާ ވަނީ އެއްވެސް ހަމަނުޖެހުމެއް ނެތި ގައްލުކޮށްފައިކަމަށްވެސް އޭނާ ފާހަގަކުރިއެވެ.
ދާދި ފަހުން އިނގިރޭސިވިލާތުގައި ދެ މިގޮށި މީދާ، ރެއިލް ކެރޭޖަކަށް އެރުމުން ޓްރެއިން ހުއްޓާލަން ޖެހުނު ހާދިސާއެއްވެސް ހިނގާފައިވެއެވެ.
