ފެނަކަ ކޯޕަރޭޝަނުން ދޭ ޚިދުމަތްތަކަށް އޮންލައިންކޮށް އެދެވޭނެ ގޮތް ހަމަޖައްސައިފިއެވެ.
މި ޚިދުމަތް ތަޢާރަފުކޮށްފައިވަނީ ކުންފުނިން ދެމުން އަންނަ ޚިދުމަތްތަކުގެ ފެންވަރު ރަނގަޅު ކުރުމުގެ މަޤްޞަދުގައެވެ.
ފެނަކައިން މިއަދު ބުނެފައިވަނީ، މައި ފެނަކަ ޕޯޓަލްގެ ޒަރީއާއިން އެކި އެކި ކަންކަމުގައި ފެނަކަ ބްރާންޗްތަކަށް ލުއިތަކެއް ލިބިގެންދާނެކަމަށެވެ. މިގޮތުން، ކުންފުނީގެ ހިދުމަތްތަކަށް ބޭނުންވާ ޑޭޓާ ހިމެނޭ ސޮފްޓްވެއާ އަދި އެޗްއާރު ސިސްޓަމްގެ އިތުރުން ކުންފުނިން ދޭ ހިދުމަތްތަކަށް އޮންލައިންކޮށް އެދެވޭނެ ގޮތް ވަނީ ހަމަޖައްސައިފައެވެ. މި ޚިދުމަތުގެ ސަބަބުން ރައްޔިތުންނަށް ފަސޭހަކަމާއެކު ގޭގައި ތިބެގެން ފެނަކައިގެ ޚިދުމަތްތަކަށް އެދެވޭނެއެވެ.
ފެނައިގެ ޗީފް ޓެކްނިކަލް އޮފިސަރ، އަބްދުﷲ ނާޝިތް ވިދާޅުވީ ފެނަކަ ރާއްޖޭގެ ގިނަ ރަށްރަށަށް ގިނަ އަސާސީ ޚިދުމަތްތަކެއް ދެމުން އަންނަނީ ވަރަށް ބޮޑު ގޮންޖެހުންތަކެއްގެ ތެރެއިން. ޑިޖިޓަލް މަގުޗާޓަކީ މި ދަތުރު ފަސޭހަ ކުރުމަށް އެކުލަވާލެވުނު ތަސައްވަރެއް ކަމަށެވެ. އަދި މީގެ ސަބަބުން ކުންފުނީގެ މަސައްކަތްތައް އިތުރަށް ހަރުދަނާވެ، ޚިދުމަތުގެ ފެންވަރު މަތިވެގެންދާނެ ކަމަށެވެ.
