މި ޕްލޭން ފަރުމާކޮށްފައިވަނީ، މި ޕްލޭންގެ މައިގަނޑު މަޤުޞަދުތައް ހާސިލުކުރުމަށް ކަނޑައަޅައިފައިވާ އަމާޒުތަކާއި އެ އަމާޒުތަކަށް ވާސިލުވުމަށް އެކުލަވައިލައިފައިވާ އިސްތިރާޖުތަކާއި ފިޔަވަޅުތަކުގެ މައްޗަށެވެ. މިގޮތުން، މި ޕްލޭންގެ މައިގަނޑު 4 އަމާޒަކީ:
ދިވެހިރާއްޖޭގައި ކުރެވޭ އިހީގެ މަސްވެރިކަމާއި، މަސްވެރިކަމާ ގުޅުންހުރި ޙަރަކާތްތަކަކީ އިކޯސިސްޓަމް-ބޭސްޑް މެނޭޖްމަންޓާއި، ޕްރިކޯޝަނަރީ އެޕްރޯޗް އަދި ދެމެހެއްޓެނިވި ގޮތެއްގައި ވަސީލަތްތައް ބެލެހެއްޓުމުގެ އުސޫލުތަކާ އެއްގޮތަށް ހިންގާ ހަރަކާތްތަކެއްކަން ކަށަވަރުކުރުން؛
އިހީގެ މަސްވެރިކަމާއި އެ މަސްވެރިކަމާ ގުޅުންހުރި ވަސީލަތްތަކާ ގުޅޭ ޙަޔަވީ، އިޖްތިމާޢީ އަދި އިޤުތިޞާދީ މަޢުލޫމާތަށް ބިނާކޮށް ސިޔާސަތުތައް އެކުލަވައިލުން؛
އިހީގެ މަސްވެރިކަމާއި ވިޔަފާރި މޮނިޓަރކުރުމާއި، ކޮންޓްރޯލް ކުރުމާއި، ސަރވޭލަންސްއާ ބެހޭ ނިޒާމު ތަންފީޛުކޮށް، މި މަސްވެރިކަމުގެ މަޢުލޫމާތު އެއްކުރުމާއި، ރިޕޯޓްކުރުން ހަރުދަނާކުރުން؛ އަދި
މަޞްލަޙަތުވެރިންނާއި އާންމުންގެ މެދުގައި އިހީގެ ބާވަތްތަކާއި އިހީގެ މަސްވެރިކަމާމެދު ހޭލުންތެރިކަން އިތުރުކުރުން.
މަޢުލޫމާތު: https://sarukaaru.gov.mv/articles/2883
