މެނިންގޯކޮކަލް އަކީ ބެކްޓީރިއާ އަކީ ނައިސީރިއާ މެނިންޖައިޓިސް ކިޔާ ބެކްޓީރިއާއަކުން ޖެހޭ ބައްޔެކެވެ. މިއީ ވަރަށް މަދުން ފެންނަ ބައްޔެއް ނަމަވެސް، ބަލި ޖެހިއްޖެނަމަ ބަލީގަ ބޮޑުވަރުވާލެއް އަވަސްވާ ބައްޔެކެވެ. މި ބަލީގެ ދެބާވަތެއްވެއެވެ. އެއީ މެނިންޖައިޓިސް އާއި މެނިންގޯކޮކަލް އެވެ.
މި ބަލީގެ އަލާމާތްތަކަކީ،
● ހުންއައުން
● ބޮލުގައި ރިއްސުން
● ކަނދުރާ ވާންވުން
● މޭނުބައިކޮށް ހޮޑުލެވުން
● ވާނުވާ ނޭނގޭ ގޮތްވުން.
● ގައިގައި ރަތް ބިހި/ ލައްތަކެއް ނެގުން
● ފިޓުޖެހުން
● އަލި ގަދަވުމުން އުދަގޫ ވުން
● ވަރުދެރަވުން
● ނޭވާ އަވަސް ވުން
މި ބަލީގެ އަލާމާތްތައް ފެންނާނީ ބަލިޖެހޭތާ 1 ދުވަހާއި 10 ދުވަހާ ދެމެދުގައެވެ. ބަލި ޖެހިފައިވާ މީހެއްގެ ފަރާތުން މިބަލި އެހެން މީހުންނަށް ފެތުރޭނީ ބަލިޖެހިފައިވާ މީހާގެ އަލާމާތްތައް ފެނުމުގެ 7 ދުވަސް ކުރިންސުރެ އެންޓިބަޔޮޓިކްސް ބޭނުންކުރުމަށްފަހު 24 ގަޑިއިރާ ހަމައަށެވެ.
މިބަލި ފެތުރެނީ ނޭވާލާ ނިޒާމުގެ ޒަރިއްޔާއިންނެވެ. އާއްމުގޮތެއްގައި ބަލިޖެހިފައިވާ މީހާ އާއި އެކުގައި ގިނަ ވަގުތު ހޭދަކުރުމުން ބަލިޖެހުމުގެ ފުރުޞަތު ބޮޑެވެ. މިސާލަކަށް އެއް ކޮޓަރިއެއް ނޫނީ އެއްގެއެއްގައި އުޅޭނަމަ އެވެ.
ބައެއްފަހަރު ކުރު މުއްދަތެއްގެ ތެރޭގައި ބަލީގައި ބޮޑުވަރުވޭ. މިބައްޔަށް ޝައްކުކުރެވޭ މީހުންނަށް ވީހާވެސް އަވަހަށް އެންޓިބަޔޮޓިކްސް ފައްޓަންވާނެއެވެ.
ހައްޖުގެ އަޅުކަމުން އައި މީހެއް އެއްވެސް ސަބަބަކާ ހުރެ، މެނިންޖައިޓިސް ވެކްސިން ނުޖެހި ހުރިނަމަ، ނުވަތަ ވެކްސިން ޖެހުމަށްފަހު 14 ދުވަސް ހަމަނުވާ ފަރާތްތަކުން މިބަލީގެ އެއްވެސް އަލާމާތެއް ފެނިއްޖެނަމަ ލަސްނުކޮށް ޑޮކްޓަރެއްގެ ލަފާ ހޯދަންވާނެއެވެ.
މިބައްޔަށް ފަރުވާކުރުމަށް ދޭނީ އެންޓިބައޮޓިކްސް އެވެ. އެންޓިބައޮޓިކް ބޭނުންކުރަންފެށުމުން އެހެންމީހުންނަށް ބަލި ފެތުރުން ހުއްޓުވައިދެއެވެ.
ü"ކްލޯޒް ކޮންޓެކްޓް" އެއް ކަމަށް ބެލެވޭނީ ބަލިމީހުންނާއި އެއްގެއެއްގައި ދިރިއުޅޭ ، ބަލިމީހާއާއި އެއްކޮށް މަތިންދާ ބޯޓުން ނޫނީ ބަހުގައި ވަރަށް ގިނަ އިރުވަންދެން ދަތުރުކޮށްފައިވާނަމަ އަދި ބަލިމީހާގެ ކުޅު ފަދަ ނޭވާލާ ނިޒާމުން އުފެދޭ ދިޔަ އަކަށް ހުށަހެޅިފައިވާ ފަރާތްތައް.
üބަލި މީހާއާއި އެއް ފެންފުޅުއެއްއަކުން ފެން ބޮއެ، އެކުގައި ކައިބޮއި ހަދާފައިވާ މީހުން، ބަލި މީހާއާ ކުޑަ ވަގުތުކޮޅަކަށް ދިމާވެފައިވާ މީހުން އަދި ބަލިމީހާގެ ސީދާ ކޮންޓެކްޓުންނާއި ދިމާވަފައިވާ މީހުން " ކްލޯޒް ކޮންޓެކްޓް" ކަމުގައި ނުބެލެވޭނެ.
üކްލޯޒް ކޮންޓެކްޓުން މެނިންޖައިޓިސް ވެކްސިން ޖަހާފައިވީނަމަވެސް ބަލިން ރައްކާތެރިވުމަށް " ޕްރޮފައިލެކްސިސް އެންޓިބަޔޮޓިކްސް" ބޭނުން ކުރުން
އިންވޭސިވް މެނިންގޯކޮކަލް ބަލިން ރައްކާތެރިވުމަށް ކުރެވިދާނެކަންކަން
● މިބަލިން ރައްކާތެރިވުމަށް އެޅޭނެ އެންމެ މުހިއްމު ފިޔަވަޅަކީ މެނިންޖައިޓިސް ވެކްސިން ޖެހުން.
● މިބަލި އުޅޭ އެހެން ގައމުތަކަށް ރާއްޖެއިން ދަތުރުކުރާއިރު، މިވެކްސިންޖެހުމަކީ މުހިއްމުކަމެއް. ހައްޖަށާއި އުމުރާގެ އަޅުކަމަށް ދާ ފަރާތްތައް މިވެކްސިން ކޮންމެހެންވެސް ޖެހުން މުހިއްމު. ވެކްސިންގެ އަސަރު ރަނގަޅަށް ކުރާނީ ދަތުރުކުރުމުގެ 2 ހަފުތާ ކުރިން ވެކްސިން ޖެހުމުން.
މީގެ އިތުރުން، ވީހާވެސް އަވަހަށް "ކްލޯޒު ކޮންޓެކްޓް"ން ދެނެގަނެ އެފަރާތްތަކަށް ޕްރޮފައިލެކްސިސް އެންޓިބަޔޮޓިކް ބޭނުން ކުރަން ފެށުން.
މަޢުލޫމާތު: އެޗް.ޕީ.އޭ
