ލުބްނާނުގެ ހިޒްބުﷲ ޖަމާއަތުން ފުރަތަމަ ފަހަރަށް ޒަޔަނިސްޓް އިޒްރޭލުގެ ވެރިރަށް ތެލްއަވީވަށް ބެލެސްޓިކް މިސައިލެއް ފޮނުވާލައިފިއެވެ.
އިޒްރޭލުގެ ޖާސޫސީ އިދާރާ "މޮސާޑް" ގެ ހެޓްކުއާޓަރަށް އަމާޒުކޮށް ފޮނުވާލި މި ބެލެސްޓިކް މިސައިލު އަމާޒަށް ފޯރުމުގެ ކުރިން ސަހްޔޫނީ ދިފާއީ ނިޒާމް "އަޔަން ޑޯމް" އިން ވަނީ ވައިގެ ތެރޭގައި މި ބެލެސްޓިކް މިސައިލު ގޮއްވާލާފައެވެ.
ބެލިސްޓިކް މިސައިލުގެ ސައިރަންގެ އަޑާއެކު ޔަހޫދީން ވަނީ ބިންގަރާސްތަކަށް ވަދެ އެވަގުތު ފިލާފައެވެ.
ބެލެސްޓިކް މިސައިލުން އިޒްރޭލަށް ހިޒްބުﷲ އިން ހަމަލާ ދިނުމަށް މަސައްކަތް ކުރުމުން، އެޖަމާއަތުގެ ސްޓޮކުގައި ތެލްއަވީވަށް ފޯރާވަރުގެ ދުރުރާސްތާ މިސައިލު ހުރިކަން މިވަނީ ޔަގީން ވެފައެވެ. އިޒްރޭލުގެ މީޑިޔާތަކުން ލަަފާ ކުރާ ގޮތުގައި ހިޒްބުﷲ ޖަމާއަތުގެ އަތުގައި 100،000 އަށްވުރެ ގިނަ ރޮކެޓާއި މިސައިލު އެބަހުއްޓެވެ. އެކަމަކު ބެލެސްޓިކް މިސައިލު ހުރި އަދަދު އަންދާޒާ ކޮށްލަން ދައްޗެވެ.
ހިޒްބުﷲ އިން ގެންދަނީ އިޒްރޭލުގެ އުތުރުގެ އަވަށްތަކަށް މެދުކެނޑުމެއް ނެތި ރޮކެޓުން ހަމަލާ ދެމުންނެވެ. އަނެއްކޮޅުން އެމެރިކާ އާއި ހުޅަނގުން ފޯރުކޮށްދީފައިވާ އެންމެ ޒަމާނީ ފައިޓަރ ޖެޓްތައް ބޭނުން ކޮށްގެން ސަހްޔޫނީ އިޒްރޭލުގެ ހައްދުފަހަނައެޅި އަސްކަރިއްޔާއިން ދަނީ ލުބްނާނުގެ މެދުތެރެއަށާއި ދެކުނަށް ވަރުގަދަ ވައިގެ ހަމަލާތަކެއް ދެމުންނެވެ. މި ހަމަލާތަކުގައި މިހާތަނަށް 600 އެއްހައި މީހުން ވަނީ ޝަހީދުވެފައެވެ.
