ރ. މާކުރަތު ކައުންސިލްގެ އިދާރާއިން ދޭ މަޢުލޫމާތުގައިވާ ގޮތުން، ރަށުގެ މޮނިއުމެންޓް ފަރުމާކުރުމަށް އަލުން އިޢުލާން ކޮށްފިއެވެ.
މިގޮތުން، އެންމެ ރަނގަޅު މޮނިއުމެންޓް ފަރުމާކޮށްގެން 1 ވަނައަށް ހޮވޭ ފަރާތަކަށް 10،000 ރުފިޔާގެ އިނާމެއް ދިނުމަށް ވަނީ ހަމަޖެހިފައެވެ. ކުރިން 2424 މާރޗް 2024 ގައި ކުރެވުނު އިޢުލާނާ ގުޅިގެން ހުށަހެޅުނު ޑިޒައިންތައް ކައުންސިލްގެ މިންގަނޑަށް ނުފެތޭތީ، އެ އިޢުލާން ބާޠިލްކޮށް އަލުން އިޢުލާން ކުރަން ޖެހުނު ކަމަށް ކައުންސިލުން މަޢުލޫމާތު ދެއެވެ.
މި ފުރުޞަތު ހުރިހާ އުމުރުފުރައަކަށްވެސް ހުޅުވާލެވިފައިވާއިރު، ޝައުޤުވެރިވާ ފަރާތްތަކުން 2024 އޮކްޓޯބަރު 3 ވާ ހޯމަ ދުވަހުގެ މެންދުރު 12:00 ގެ ކުރިން ފަރުމާކޮށްފައިވާ މޮނިއުމެންޓް ހުށަހެޅުމަށް ވަނީ އެދިފައެވެ. މޮނިއުމެންޓް ފަރުމާކޮށް ހުށަހަޅަންވާނީ "ރަށުގެ މޮނިއުމެންޓް ފަރުމާކުރުމުގެ މަޢުލޫމާތު ކަރުދާސް" ގައިވާ ގޮތަށް ކަމަށް ކައުންސިލުން ބުނެއެވެ.
މި އިޢުލާނާއެކު މަޢުލޫމާތު ކަރުދާސް ވަނީ އާންމުކޮށް ޝާއިޢުކޮށްފައެވެ. މިކަމާ ގުޅޭ އިތުރު މަޢުލޫމާތު ހޯދުމަށް ރ. މާކުރަތު ކައުންސިލްގެ އިދާރާއާ ގުޅުމަށް ވަނީ އެދިފައެވެ.
ހުތުބާ އެއްތަ ހަދަން ޖެހޭނީ