ޗައިނާގެ އިޤްތިސާދީ ގޮންޖެހުންތަކަކީ އެތައް ކަމަކާ ގުޅިފައިޥާ ގޮންޖެހުންތަކެކެވެ. ރިއަލް އެސްޓޭޓްގެ ދާއިރާއަށް ކުރިމަތިވެފައިވާ ހީނަރުކަމުގެ އަސަރު ވަނީ ސިނާޢީ އުފެއްދުންތެރިކަމަށް ކޮށްފައެވެ. އޭގެ އިތުރުން ޗައިނާގެ ޤައުމީ ސަލާމަތާ ބެހޭ ދާއިރާތަކަށް ވެރިވަމުންދާ ނުތަނަވަސްކަމުން މިނިވަން ވިޔަފާރިއާއި ވިޔަފާރި ކުރިއަށް ގެންދަން ތިބި ސާދާގަރުންނަށްވެސް އެކަމުގެ ހޫނު އިޙުސާސް ވަމުން ދެއެވެ. އެހެންވެ ސިޔާސީ ލަނޑުދަނޑިތައް ޙާސިލުކުރުމަށް އަޅާ ފިޔަވަޅުތަކާއި އިޤްތިޞާދީ ތަރައްޤީއަށް ކުރާ މަސައްކަތާ ދެމެދު ކޯޅުންތަކެއް އުފެދިފައި ވެއެވެ.
ޗައިނާގެ ރިއަލް އެސްޓޭޓް ދާއިރާއަކީ އޭގެ ރަންޒަމާނުގައި ޗައިނާގެ ޤައުމީ އުފެއްދުންތެރިކަމަށް 30 އިންސައްތަ ޙިއްސާ ކުރި ދާއިރާއެކެވެ. 2018ގެ މި ރަންޒަމާނަށް ނިމުމެއް އައީ ކޯވިޑްގެ ވަބާއާ އެކުގައެވެ. އެއަށްފަހު ޖީޑީޕީގައި ރިއަލް އެސްޓޭޓް ދާއިރާގެ ޙިއްސާ ދެބައިކުޅަ އެއްބަޔަށް ކުޑަވެގެން ދިޔައެވެ. ހިނގަމުން މިދާ އަހަރުގެ ފުރަތަމަ ދެމަހު، ޖީޑީޕީގައި ރިއަލް އެސްޓޭޓްގެ ނިސްބަތަކީ 20 އިންސައްތައެވެ.
ޗައިނާގެ ރިއަލް އެސްޓޭޓްގެ ދާއިރާ ހީނަރުވުމުގެ ނަތީޖާއަކީ މުޅި އިޤްތިޞާދަށް ހިޔަނި އެޅި، ކޮންސިއުމަރުންގެ މެދުގައި އިޤްތިޞާދީ އިތުބާރު ގެއްލިގެން ދިއުމެވެ.
މިއަހަރުގެ ފުރަތަމަ ކުއާޓާގައި ޗައިނާގެ ޖީޑީޕީ ކުރިއަރައި ދަނީ 5.3 ޕަސެންޓްގައި ކަމަށް އައިއެމްއެފުން ބުނެއެވެ. ނަމަވެސް ދުނިޔޭގެ ދެވަނައަށް އެންމެ ބޮޑު އިޤްތިޞާދަށް ވެރިވެފައިވާ ހީނަރުކަމުން އަރައިގަތުމަށް އަހަރުތަކެއް ނަގާނެ ކަމަށް އައިއެމްއެފުން ބުނެއެވެ.
ޗައިނާގެ ރައީސްގެ މާރެސްއަކީ ޕްރޮޕަޓީ ސެކްޓާ ދޫކޮށް ޗައިނާގެ ޖީޑީޕީއަށް އެންމެ ގިނައިން ޙިއްސާ ކުރާ ދާއިރާއަކީ ހައި ޓެކްނޮލޮޖީގެ ދާއިރާކަމުގައި ހަދާށެވެ. އޭގެ ތެރޭގައި، މަބްގެ ދާއިރާއާއި ބަޔޯއެންޖިނިއަރިންގއާއި ބިގްޑޭޓާއާއި ސެމީކޮންޑަކްޓާރ އަދި ކުއަންޓަމް ކޮމްޕިއުޓިންގެ ދާއިޜާ ހިމެނެއެވެ. މި މާރެސް ހަގީގަތަކަށް ހެދުމަށް މަސައްކަތް ކުރާއިރު ޓެކްނޮލޮޖީގެ ބޮޑެތި ސާދާގަރުން ސަރުކާރަށް ވުރެން މުއްސަނދިކަމުގައި ކުރިއަރައިގެން ދާކަށް ޗައިނާ ސަރުކާރުން ބޭނުމެއް ނުވެއެވެ.
