ބެންގަލޫރުގެ އިންވެސްޓްމަންޓް ބޭންކަރެއް ކަމަށްވާ ސައިޝްވާރީ ޕާޓިލް އާމްދަނީ ހޯދަނީ ނިދައިގެންނެވެ. އޭނާ ވަނީ ވޭކްފިޓް ކުންފުނިން ހިންގާ ޔުނިކް ސްލީޕް އިންޓަރންޝިޕް ކޮންޓެސްޓްގެ ތިން ވަނަ އެޑިޝަންގައި ‘ސްލީޕް ޗެމްޕިއަން’ އަކަށް ވެފައެވެ.
އޭނާއަކީ ނިދުމަށް ކުރާ ލޯބި މީހެކެވެ. އެކަން އޭނާ ވަނީ ފައިދާހުރި ވިޔަފާރިއަކަށް ބަދަލުކޮށްފަ އެވެ. މި ޕްރޮގްރާމަކީ ނިދުމަށް ފޯކަސް ކުރުމަށް ހިތްވަރުދީގެން ކުރިއަށް ގެންދާ ޕްރޮގްރާމެކެވެ. ބައިވެރިން ރޭގަނޑު 8 ގަޑިއިރާއި 9 ގަޑިއިރާއި ދެމެދުގެ ވަގުތަކަށް ނިދަން ޖެހެއެވެ. އަދި ދުވާލު 20 މިނެޓުގެ ކުޑަ ނިދިކޮޅެއްވެސް ނިދަން ޖެހެއެވެ.
ޕާޓިލް އަކީ ވޭކްފިޓު ކުންފުނިން އުފައްދާ އެންމެ މަތީ ފެންވަރުގެ ޕްރީމިއަމް ގޮދަޑިއަކާއި ނިދި މޮނިޓަރ ކުރުމަށް ކޮންޓެކްޓްލެސް ސްލީޕް ޓްރެކިން އެތައް ޑިވައިސްއެއް ބޭނުން ކޮށްގެން ނިދި މޮނީޓާ ކުރިޔަ ދޭ 12 ‘ސްލީޕް އިންޓަރންސް’ ގެ ތެރެއިން އެކަކެވެ.
މި މީހުން ވަނީ މިކަމަށް ޚާއްސަ ޝޯއެއްގައި ބައިވެރިވެފައެވެ.
މި ޝޯގެ ތެރޭގައި ރޭގަނޑު ގަދައަށް ގުގުރިދަމައި ނިދާކަން ސާބިތުކޮށްދީ ވަނަ ހޯދުމުގެ ފުރުސަތު ބޮޑެވެ. އަދި ސްޕެޝަލިސްޓުން ނިދުމަށް ޚާއްސަ ވޯކްޝޮޕްތަކުގައި ބައިވެރިން ބައިވެރި ކުރެއެވެ.
މި ޝޯގެ ތިން އަހަރު ދުވަހުގެ ތެރޭގައި ވޭކްފިޓް ގެ ޕްރޮގްރާމުގައި ބައިވެރިވާން އެއް މިލިއަނަށް ވުރެ ގިނަ މީހުން އެދިފައި ވެއެވެ. ކުންފުނިން ވަނީ 51 އިންޓަރންސް ވަޒީފާއަށް ނަގާފައެވެ. އަދި 63 ލައްކަ ރުފިޔާގެ ސްޓައިޕެންޑެއް އެމީހުންނަށް ދީފައެވެ.
