ކުޑަ ތަންކޮޅެއްގައި އުސް ފުޅަފެއް ޖަހައިގެން ފުއްޕާފަ ބާރު ދައްކަން ނޫޅުމަށް ޗައިނާ ސަފީރު އެމެރިކާއަށް އިންޒާރުކުރައްވައިފިއެވެ. ވޮޝިންޓަނުގައި ހުންނަވާ ޗައިނާގެ ސަފީރު ޝީ ވިދާޅުވެފައި ވަނީ އެމެރިކާއިން ގެންގުޅޭ ސިޔާސަތުން ދެ ޤައުމަށް ވެސް ގެއްލުން ވަމުންދާ ކަމަށެވެ. އޭނާ ވަނީ ޗައިނާގައި ހުރި އިންވެސްޓްމެންޓް ފުރުޞަތުތައް ހޯދައި ދަނެގަތުމަށާއި އެއިން ފައިދާ ނެގުމަށް، އެމެރިކާއަށް އިލްތިމާސް ކުރައްވާފައެވެ.
ޗައިނާ ސަފީރު ވިދާޅުވީ އެމެރިކާގެ ސިޔާސަތުތަކަކީ، ސްޓްރެޓެޖިކް ގޮތުން ނުބައި ޙިސާބުތަކެއް ކަމަށެވެ. އަދި ޗައިނާއަށް ވިޔަފާރީގެ ރޮނގުން ހަނގުރާމަކޮށް ޓެކްނޮލޮޖީގެ ގޮތުން ދަތި ކުރުމަކީ ދެ މިޔަލީ ކަނޑިއެއް ކަމަށެވެ.
ޥޮޝިންޓަނުގައި ސަފީރު ޝީ ފެންގ ވާހަކަ ދައްކަވަމުން ގެންދެވީ، ޗައިނާގެ ޤައުމީ ދުވަސް ފާހަގަ ކުރުމަށް ބޭއްވި ރިސެޕްޝަނެއްގައެވެ. މި ރިސެޕްޝަނަށް 400އެއްހައި މީހުން އެއްވެ ތިއްބެވެ. ޝީ ވިދާޅުވީ ޗައިނާއިން ގެންގުޅޭ އިޤްތިޞާދީ އިޞްލާޙުތަކުން އެމެރިކާއަށް ފައިދާ ކުރާނެ ކަމަށެވެ.
