ޖިމީ ކާޓަރަކީ، އުމުރުން 100 އަހަރު ފުރިހަމަ ކުރި އެމެރިކާގެ ކުރީގެ ފުރަތަމަ ރައީސެވެ. އެއް ދައުރަށް ރައީސްކަން ކުރެއްވި ކާޓާރަކީ، އޭނާގެ ވެރިކަމުގައި ދުނިޔޭގެ ބާޒާރުގައި އިންތިހާއަށް ތެޔޮ އަގުބޮޑުވާން މެދުވެރިވި ރައީސެވެ. އަދި އީރާނުން އެމެރިކާ އެމްބަސީގެ މުވައްޒަފުންތަކެއް ބަންދުކުރުމާ ގުޅިގެން އީރާނަށް ޙަމަލަ ދިނުމަށް ސީއައިއޭގެ ޖާސޫސުންތަކެއް ހެލިކޮޕްޓަރުގައި އީރާނަށް ވަގަށް ވެއްދުމުން އެމީހުންގެ ހެލިކޮޕްޓަރު ވެއްޓުނު ހާދިސާއިން އޭނާގެ މަގްބޫލުކަން ގެއްލުނެވެ. އެކަންކަމާ ގުޅިގެން ދެވަނަ ދައުރަށް ކުރިމަތި ލެއްވުމުން އޭނާއަށް ނާކާމިޔާބީއާ ކުރިމަތިލާން ޖެހި ވަޑައިގަތެވެ.
އޭނާގެ ތަރި ވިދައިގެން ދިޔައީ، ރިއާސަތުން ބޭރުގައި އޭނާ ހިލޭ ސާބަހަށް މަސައްކަތް ކުރެއްވުމުންނެވެ. ޖިމީ ކާޓަރު ސެންޓަރު ހަދައިގެން އޭނާ ފަގީރުންގެ ބޯހިޔާވަހި ކަމަށާއި އާންމު ސިއްޙަތަށް މަސައްކަތް ކުރެއްވިވެ. ހިލޭ ސާބަހަށް ކުރެއްވި މަސައްކަތުގައި އެންމެ ފާހަގަ ކުރެވެނީ، ގިނީ ވޯމްގެ ބަލި ނައްތާލުމަށް މީހުން ހޭލުންތެރި ކުރުމުގެ މަސއްކަތެވެ.
1986 ވަނަ އަހަރު އޭނާގެ ސެންޓަރުން ގިނީ ވޯމްއާ ދެކޮޅަށް މަސައްކަތް ފެށިއިރު ދުނިޔޭގައި އެބަލީގެ 3.5 މިލިއަން ކޭސް އުޅުނެވެ. 2024 ވަނަ އަހަރުގެ މިހާތަނަށް ދުނިޔޭގައި މިހާރު ފާހަގަ ވަނީ އެންމެ ހަތަރު ކޭހެވެ.
ކާޓަރަށް ސުލްހައިގެ ނޮބެލް އިނާމު ލިބިވަޑައިގަތީ 2002 ވަނަ އަހަރު އެވެ.
