އިސްލާމްއާބާދުގައި ހިނގާފައި ދަނިކޮށް އިނގިރޭސި ހައިކޮމިޝަނަރުގެ އަނބިކަނބަލުންގެ އަތް ދަބަސް ފޭރިގެންފިއެވެ. މި ހާސިދާ ހިނގާފައިވަނީ ޖޮނަތަން ވިލްސަން، ޕޯސްޓިން ނިންމާފައި ޔޫކޭއަށް ފުރައިވަޑައިގަތުމުގެ އެއްދުވަސް ކުރިން އިސްލާމްއާބާދުގައި ސުވެނިއާ ބައްލަވައި ގަތުމަށް ނިކުންނަވައިގެން އުޅުއްވުމުގެ ތެރޭގައެވެ.
ހައިކޮމިޝަނަރު ވިލްސަން ޕޮލިހަށް ރިޕޯޓު ކުރެއްވގޮތުގައި އޭނާގެ ކަމަނާގެ އަތް ދަބަސް ޖަހައި ގަތީ ސައިކަލުގައި އައި ދެ މީހެކެވެ.
މި ވާހަކަ ރިޕޯޓު ކުރި ޑޯން ނޫހުގައި މި ދެމީހުން ހައްޔަރު ކުރިކަމަށް ބުނެފައެއް ނުވެއެވެ. ނަމަވެސް ވިލްސަންގެ އަންހެނުންގެ އަތް ދަބަސް ހޯދައި އަނބުރައި ޙަވާލު ކުރިކަމަށް ބުނެފައި ވެއެވެ.
އަތްދަބަހުގައި އިނގިރޭސި 350 ޕައުންޑާއި ޕާކިސްތާން ރުޕީސްއާއި މޮބައިލް ފޯނަކާއި ކްރެޑިޓް އަދި ކޭޝް ކާޑުތައް ހުއްޓެވެ.
