ރަޝިޔާއިން ސްރީލަންކާ ރައީސް މޮސްކޯއަށް ވަޑައިގަތުމަށް ދަޢުވަތު އަރުވައިފިއެވެ. ސްރީލަންކާއާއި ރާއްޖެއަށް ކަނޑައަޅުއްވާފައިވާ ރަޝިޔާ ސަފީރު ލީވާން ޑަގާރިއާން ވަނީ ސްރީލަންކާގެ ރައީސް އަރޫނާ ކުރާމަ ޑިސަނާޔަކައާ ބައްދަލު ކުރައްވައި ރައީސް ޕޫޓިންގެ ޚާއްސަ ސިޓީއެއް އަރުވާފައެވެ.
ރައީސް ޑިސަނާޔަކަ، އިންތިޚާބު ކާމިޔާބު ކުރެއްވުމާ ގުޅިގެން ޕޫޓިންގެ ފަރާތްޕުޅުން، ތަހުނިޔާ ވިދާޅުވެ، ޑަގާރިއާން ވަނީ ކާޒާންގައި އޮންނަ ބްރިކްސް ސަމިޓަށް ރައީސް ޑިސަނާޔަކަ ވަޑައިގަތުމަށް ދަޢުވަތު އަރުވާފައެވެ. މި ސަމިޓް އޮންނާނީ މި މަހު 22ން 24އަށެވެ.
ރަޝިޔާ އެމްބެސެޑަރު ވަނީ، ރަޝިޔާއިން ސްރީލަންކާގައި ކުރަމުންދާ މަސައްކަތާއި، ޔުކްރެއިންގެ ހަމަނުޖެހުމާ ބެހޭ އެންމެ ފަހުގެ ތަފްޞީލުތައް ޙިއްސާ ކުރައްވާފައެވެ.
