އެމެރިކާގެ ފިއްތުންތަކާ ހެދި އިންޑިއާއިން ރަޝިޔާއިން ގޭސް ނުގަތުމަށް ނިންމައިފިއެވެ. އިންޑިއާގެ މިނިސްޓްރީ އޮފް ޕެޓްރޯލިއަމްގެ އިސްފަރާތެއް ކަމަށްވާ ޕަންކަޖް ޖެއިންއާ ހަވާލާދީ މީޑިއާގައި ބުނެފައި ވަނީ، ރަޝިޔާގެ އާކްޓިކް އެލްއެންޖީ2 ޕްރޮޖެކްޓުން ގޭސް ނުގަތުމަށް އިންޑިއާއިން ނިންމާފައިވާނެ ކަމަށެވެ.
ޔުކްރެއިންގެ ހަމަނުޖެހުންތަކާ ހެދި އެމެރިކާއިން ވަނީ ރަޝިޔާއާ ދެކޮޅަށް ދަތިކުރުމުގެ ފިޔަވަޅުތައް އަޅާފައެވެ. މިދިޔަ ދުވަސްތަކުގައި އިންޑިއާއިން ވަނީ ރަޝިޔާއިން ގޭހާއި ތެޔޮ ގަންނާނެ ކަމަށް ބުނެ އެކި އެކި ކޮންފަރެންސްތަކުގައި ބޮޑުބަސް ބުނެފައެވެ. ނަމަވެސް އެމެރިކާއިން އަސްކަރީ ޓެކްނޮލޮޖީ ހޯދުމަށް އިންޑިއާއިން ބަރޯސާވާމިންވަރު އިތުރު ވަމުންދާތީ އިންޑިއާއިން އެމެރިކާއަށް ދީލާލީ ކަމަށް ބެލެވެއެވެ.
ރަޝިޔާއިން ބުނެފައި ވަނީ އަދިވެސް ޗައިނާއަކީ އިތުބާރު ކުރެވޭ ވިޔަފާރި ޕާޓްނަރެއް ކަމަށެވެ. ރަޝިޔާއިން ލަފާ ކުރާ ގޮތުގައި 2030އާ ހަމައަށް ޗައިނާއިން 100 މިލިއަން މެޓްރިކް ޓަނުގެ ގޭސް ރަޝިޔާއިން ގަންނާނެއެވެ.
އެމެރިކާއިން ދަނީ ގޭސް އުފުލާ ބޯޓުތަކާ ދެކޮޅަށްވެސް ދަތިކުރުމުގެ ފިޔަވަޅު އަލައި ބްލެކް ލިސްޓް ކުރަމުންނެވެ.
