އިރާނުން ދިން މިސައިލު ހަމަލާތަކަށް ބަދަލު ހިފުމުގެ ގޮތުން އިރާނުގެ ނިއުކްލިއަރ ސައިޓުތަކަށް ހަމަލާ ނުދިނުމަށާއި އެފަދަ ހަމަލާއެއްގައި އިޒްރޭލާ ބައިވެރި ނުވާނެ ކަމަށް ބުނެ އެމެރިކާގެ ރައީސް ޖޯ ބައިޑަން ސަހްޔޫނީ އިޒްރޭލަށް ދީފިއެވެ.
މެދުއިރުމަތީގައި މުސްލިމުންނާ ދެކޮޅަށް އިޒްރޭލުން ހިންގަމުން އަންނަ ޤަތުލް ޢާންމުތަކުގައި އިޒްރޭލުގެ އެންމެ ބޮޑު މަދަދުގާރެއްގެ ގޮތުގައި އޮތް އެމެރިކާގެ ރައީސް ބައިޑަން މިހެން ވިދާޅުވީ ނޫސްވެރިންނާ ރޭ ވާހަކަފުޅު ދައްކަވަމުންނެވެ.
"އިރާނުގެ ނިއުކްލިއަރ ސައިޓަށް ހަމަލާ ދިނުމަށް އެމެރިކާއިން އެއްބަހެއް ނޫން. އެފަދަ ސުވާލެއްގެ ޖަވާބަކީ އެފަދަ ހަމަލާއެއް ދިނުމަށް އެމެރިކާއިން ބާރެއްވެސް ނާޅާނެ. އަދި އެކަމުގައި ބައިވެރިއެއްވެސް ނުވާނެ" ބައިޑަން ވިދާޅުވިއެވެ.
އިޒްރޭލުގެ ހައްދު ފަހަނައެޅި ބޮޑު ވަޒީރު ބެންޔަމިން ނަތަންޔާހޫ ބުނެފައި ވަނީ އިރާނުން ދިން ހަމަލާގެ ބަދަލު އިރާނަށް ދޭނެ ކަމަށެވެ. ނަތަންޔާހޫގެ ވާހަކަތަކާ ގުޅިގެން އިރާނުގެ މަސްއޫލުވެރިން ވިދާޅުވީ އިޒްރޭލުން ހަމަލާއެއް ދީފިނަމަ އިޒްރޭލުގެ މުޅި އިންފްރާ ސްޓަރަކްޗަރ ސުންނާފަތި ކޮށްލާނެ ކަމަށެވެ.
