ޗައިނާއަކީ ބޮޑު އާބާދީއެއް އޮވެފައި ކުރިއަރަމުން އަންނަ އިޤްތިޞާދެއްކަމުން ޗައިނާގައި ލިބެން ހުރި ވިޔަފާރީގެ ފުރުސަތުތައް އެމެރިކާގެ ކުންފުނިތަކަށް އިޙުސާސް ކުރެވެއެވެ. ނަމަވެސް ދުނިޔޭގެ އެންމެ ބޮޑެތި ކުންފުނިތަކުން ޗައިނާއާއެކު ވިޔަފާރި ކުރަން ޖެހިލުންވާކަމަށް މާކެޓް ރިސާޗް ކުންފުނި ސްޓްރެޓެޖީ ރިސްކްސްއިން ކުރި ދިރާއަކުން ދައްކައެވެ.
ޓެކްނޮލޮޖީގެ ދާއިރާއިން ފެށިގެން އަސްކަރީ ބާރާއި ހަމައަށް އެމެރިކާ އާއި ޗައިނާ ކުރިމަތިލަމުން އަންނައިރު، ދުނިޔޭގެ ދެވަނަ އިގްތިސާދުން އެންމެ ބޮޑު ނުރައްކަލެއް ކުރިމަތިވާން އޮތީ އެމެރިކާގެ ކާރު އުފައްދާ ފޯޑް މޮޓޯ ކުންފުންޏަށް ކަމަށް ސްޓްރެޓެޖީ ރިސްކްސް އިން ބުނެ އެވެ. އަދި ފޯނު އުފައްދާ އެޕަލް އާއި އެއާކޮންޑިޝަނަރު އުފައްދާ ކުންފުނި ކެރިއާ ކުންފުންޏަކީ ދެވަނައަށް އެންމެ ހިރާސް ބޮޑު ކުންފުނިތައް ކަމަށްވެސް ދައްކައެވެ.
ސްޓްރެޓެޖީ ރިސްކުން ވަނީ ދުނިޔޭގެ ބޮޑެތި 65 ކުންފުންޏެއް ދިރާސާ ކޮށްފައެވެ. މި ކުންފުނިތަކަށް ޗައިނާއާއި އެމެރިކާގެ ކޯޅުގެ ހިޔަނި އެޅޭނަމަ، އަދި ޗައިނާއިން އަޅާ ފިޔަވަޅަކުން ހުރަހެއް ކުރިމަތިވާނަމަ ދުނިޔޭގެ ސަޕްލައި ޗެއިންއަށް އެކަމުގެ އަސަރު ފޯރާނެއެވެ.
ތިން ވަނައަށް އެންމެ ހިރާސް ބޮޑު ކުންފުނިތައް ކަމަށް ބުނެފައި ވަނީ ޓެސްލާ އާއި ކޮކާކޯލާ ކުންފުންޏަށެވެ.
އެމެރިކާގެ ކުންފުނިތަކަކީ، ޗައިނާގެ ކުންފުނިތަކާއި ނޫނީ ޗައިނާގެ ސަރުކާރާއެކު ޕާޓްނަޝިޕް ހަދައިގެން ޗައިނާގައި ވިޔަފާރި ކުރާ ކުންފުނިތަކެވެ. އެމެރިކާގެ ފިއްތުން ތަކާއެކު ޗައިނާއަށް ލޭބަރުންގެ މައްސަލާގައާއި، އަދި އިންސާނީ ހައްގުތަކުގެ މައްސަލާގައި ފިއްތުންތައް ކުރިމަތި ކުރެވި، ތުހުމަތުތައް ކުރެވެއެވެ. އޭގެ އިތުރުން ސަޕްލައި ޗޭންތަކާ ގުޅުންހުރި ރިސްކުތައްވެސް ވަނީ އިންތިހާއަށް އިތުރު ވެފައެވެ. ޗައިނާއަކީ ބައެއް ހާލަތްތަލުގައި ރޯ މެޓީރިއަލް ސަޕްލައި ކުރާ ޤައުމެވެ. އަދި އަނެއް ބައި ޙާލަތްތަކުގައި ޓެކްނޮލޮޖީގެ ބައިތައް ނޫނީ ނުނިންމައި ހުރި މުދާތައް އުފައްދާ ޤައުމެކެވެ.
