ރާއްޖޭގެ ފަތުރުވެރިކަން ދެމެހެއްޓުމަށްޓަކައި މިތުރުވެރި ކަމާއި ދިވެހިގޮތްތައް ހިފެހެއްޓުން މުހިންމުކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ މިއަދު ފާހަގަކުރަމުންދާ ރާއްޖޭގެ 52 ވަނަ ޤައުމީ ފަތުރުވެރިކަމުގެ ދުވަހާ ގުޅުވައިގެން ދުވަހުގެ ތަހުނިޔާ ފޮނުއްވައި، ސޯޝަލް މީޑިއާގައި ކުރެއްވި ޕޯސްޓެއްގައެވެ.
ރައީސްގެ ޓްވީޓުގައި ވިދާޅުވީ ރާއްޖޭގެ ފަތުތުވެރިކަމުގެ ބިންގަލަކީ މިތުރުވެރިކަމާއި ހިތްޔޮކަމާއި އަމާންކަން ކަމަށެވެ. ފަތުރުވެރިކަމުގެ ކާމިޔާބު ގަމެއްގެ ގޮތުގައި ދެމިއޮތުމަށްޓަކައި ދިވެހީންގެ ޞުލްޙަވެރި، އަދި އޮމާން ދިވެހި ގޮތްތައް ހިފެހެއްޓުމަކީ ނުހަނު ބޭނުންތެރިކަމެއް ކަމުގައި ރައީސްގެ ޓްވީޑުގައި ވިދާޅުވެފައިވެއެވެ.
ރާއްޖޭގެ ފަތުރިކަން ފެށީ 1972 ވަނަ އަހަރު ރައީސް، މަރްހޫމް އިބްރާހިމް ނާސިރުގެ ދައުރުގައެވެ. ފުރަތަމަ ރެޒޯޓް ރާއްޖޭގައި ހުޅުވީ 1972 ވަނަ އަހަރުގެ އޮކްޓޫބަރު މަހުގެ 3 ވަނަ ދުވަހުއެވެ.
