ފަލަސްތީނުގައި ގަތުލުއާންމަށް ސްއިޑްންއިން ހިތްވަރު ދެނީކަމަ ބުނެ، ސްއިޑްންގެ ފޮރިން މިނިސްޓަރާ ދިމާއަށް ޓޮމާޓޯއާއި ފިޔައިން ޙަމަލަ ދީފިއެވެ. ސުއިޑްންގެ ޕާލަމެންޓްގައި މިނިސްޓަރ މާރިއާ މެލްމާ ސްޓެނާގާޑަށް ތަރުކާރީން ހަމަލަ ދިނުމުން އޭނާ ވަނީ ޖަލްސާ ދޫކުރައްވައި ބޭރަށް ވަޑައިގެންފައެވެ.
ސުއިޑްގެ ނޫހަކުން ބުނިގޮތުގައި މި މައްސަލާގައި ދެމީހަކު ވަނީ ހައްޔަރުކޮށްފައެވެ. އެމީހުން ތަރުކާރީން ޙަމަލާ ދެމުން ދިޔައިރު މިނިސްޓަރު ފަލަސްޠީނުގެ ޤަތުލުއާންނަށް ހިތްވަރު ދެނީކަމަށް، ގެލެރީގައި ތިބި މީހުން ގޮވަމުން ދިޔައެވެ.
ޕާލަމެންޓްގެ ރައީސް ވިދާޅުވިގޮތުގައި ތަރުކާރީން މިނިސްޓަރަށް ހަމަލަ ދީފައި ވަނީ ޖަލްސާ އަޑުއަހަން ވަދެތިބި މީހުންގެ ތެރޭން ބަޔެކެއެވެ. އެމީހުންގެ އަތުގައި ރަތް ކުލަ ޖެއްސުމަށްފަހު، މިނިސްޓަރާ ދިމާއަށް ޓޮމާޓޮއާއި ފިޔާ އުކަމުން ދިޔައީއެވެ.
ސުއިޑްންގެ ޕާލަމެންޓަށް ޖަލްސާ އަޑުއަހަން ވަންނަ މީހުންނަށް ގެންދެވެނީ ހަމައެކަނި ނޯޓު ފޮތެކެވެ. މިމީހުން ތަރުކާރީ ވެއްދި ގޮތާ ބެހޭ ތަހުގީގެއް ހިންގުމަށް ސްއިޑްންގެ ބޮޑު ވަޒީރު ވަނީ އަންގަވާފައެވެ.
ކޯޕަންހޭގަންގައި ޒަޔަނިސްޓުން އެމްބަސީ ކައިރީގައި ބޮމެއް ގޮއްވި މައްސަލާގައި ވެސް ސުއިޑްންގެ ދެ ކުއްޖަކު މިހަފްތާގައި ހައްޔަރުކޮށްފައި ވެއެވެ.
