ޒިއުރިކްގައި ޕްރީސްކޫލުގައި ކިޔަވާ ކުދިންތަކަކަށް ވަޅިން ޙަމަލަ ދީފިއެވެ. ސުއިޒަރލެންޑްގެ ޒިއުރިކް ސިޓީގެ އުތުރުގައި ހިނގާފައިވާ މި ހާދިސާގައި ޒަޚަމް ކޮށްފައި ވަނީ ޢުމުރުން 5 އަހަރުގެ ތިން ކުދިންނެވެ. މިއިން އެއް ކުއްޖެއްގެ ހާލު ސީރިއަސް ކަމަށް ފުލުހުން ބުނެއެވެ. އަނަޟޯލިއާ ނޫސް އެޖެންސީން ބުނިގޮތުގައި އެ ކުއްޖާއަކީ ތުރުކީގެ ރައްޔިތެއް ކަމަށާއި ތުރުކީ ކޮންސިއުލޭޓުން އެކުއްޖާގެ ޙާލު ބަލަމުން އަންނަ ކަމަށެވެ.
ބީބީސީން ރިޕޯޓުކޮށްފައިވާ ގޮތުގައި ޙަމަލަ ދިން މީހާއަކީ އުމުރުން 23 އަހަރުގެ ޗައިނާގެ ރައްޔިތެކެވެ. ކުޑަ ކުދިން ތަކަކަށް އޭނާ ހަމަލަ ދިން ސަބަބު ހޯދުމަށް ހިސާބުގަނޑު ވަށާލައިގެން ފުލުހުން ބަރުހަތިޔާރާއެކު ހަރަކާތްތެރިވިއެވެ.
ކުދިން ގޮވައިގެން އުޅުނު ޕްރީސްކޫލު މުދައްރިސާއި އާންމުންގެ މީހަކު ވަނީ ޙަމަލަ ދިން މީހާ އޮބަހައްޓައި، އެހީއަށް އައި އެމެޖެންސީ ސާވިސްއާ ޙަވަލުކޮށްފައެވެ.
