މަސްދުވަސް ވަންދެން ހިންގި ޝަރީޢަތުގައި ހަ ގަޑިއިރުގެ ޙުކުމަށް ފަހު ޤާޒީ ވަނީ ފުލުހުންގެ 3 މީހަކު 20 އަހަރަށް ޖަލަށް ލާން ޙުކުމް ކޮށްފައެވެ. މި 3 ފުލުހުންނަކީ މިހާރު ވަޒީފާއިން ވަކިކޮށްފައިވާ ބަޔެކެވެ.
ޓަޔަރ ނިކޮލަސް، މެމްފިސްގައި ޓްރެފިކް ޤަވާއިދާ ޚިލާފުވުމުން އޭނާގެ ކާރު ހުއްޓުވުމަށްފަހު މި 3 ފުލުހުން ވަނީ އޭނާގެ ގައިގައި ތަޅައި އަނިޔާކޮށް އޭނާ މަރާލާފައެވެ.
ނިކޮލަސްގެ ޝަރީޢަތުން އަނެއްކާވެސް ހާމަވެގެން ދިޔައީ އެމެރިކާ ފުލުހުންގެ ތެރޭގައި ފެތުރިފައިވާ އަނިޔާވެރި ލާއިންސާނީ ސަގާފަތެވެ.
ނިކޮލަސްއަކީ މި 3 މުޖުރިމުންނާ އެއްފަދައިން ކަޅު ނަސްލުގެ މީހެކެވެ.
އެމެރިކާ ފުލުހުންނަކީ ބަރުހަތިޔާރާއެކު ހަރަކާތްތެރިވާ ބަޔެކެވެ. އަދި އެމީހުންނަކީ މަދަނީ ބާރަކަށް ވުރެން ބޮޑަށް ޕެރަމިލިޓަރީ ބާރެކެވެ.
މި މީހުންނަށް ޙުކުމް ކޮށްފައި ވަނީ މީހަކު މެރުމުގެ އިތުރުން، ހެކި އޮޅުވާލުމަށް މަސައްކަތް ކުރި ކަމުގެ ތުހުމަތުގައެވެ. 3 މުޖުރިމުންގެ ތެރޭން ދެމީހަކު ވަނީ ކުށަށް އިޢުތިރާފް ވެފައެވެ. ނަމަވެސް 3 މީހުންނަށް އިއްވާފައި ވަނީ އެއް ޙުކުމެކެވެ.
