ޕާކިސްތާންގެ ކުރީގެ ރައީސް ޢާރިފް ޢަލްވީގެ ޑެންޓަލް ކުލިނިކަކީ އާންމު ރައްޔިތުންނަށް ބޯހިޔާވަހިކަން ދިނުމަށް ހަދާފައިވާ އިމާރާތެއްގައި ހިންގާ ވިޔަފާރިއެއްކަމަށް ބުނެ ސަރުކާރުން އެތަން ބަންދުކޮށް، ސިލު ޖަހައިފިއެވެ.
ޑރ. ޢާރިފް ޢަލްވީ ކަރާޗީގައި ހިންގަވާ ޑެންޓަލް ކްލިނިކަކީ، ސިންދީ މުސްލިމް ކޯޕަރޭޓިވް ސޮސައިޓީގެ އިމާރާތެއްގައި ހިންގާ ކްލިނިކެކެވެ.
ޑރ. ޢަލްވީއަކީ، ޖަލަށް ލާފައިވާ، ކުރީގެ ބޮޑު ވަޒީރު ޢިމްރާން ޚާންގެ ޕާކިސްތާން ތަޙުރީކޭ އިންސާފް ޕާޓީ (ޕީޓީއައި)ގެ އިސް ލީޑަރެކެވެ.
ސިންދު ސަރުކާރުގެ މި ނިންމުމާ ގުޅިގެން ޕީޓީއައިއިން ބުނެފައި ވަނީ ސިންދު ޕްރޮވިންސްގައި ވެރިކަން ކުރާ ޕާކިސްތާން ޕީޕަލްސް ޕާޓީ (ޕީޕީޕީ)ން ސިންދުގައި ވެރިކަން ކުރަމުން ދަނީ އަމިއްލަ ހިންނައެއް ހިންގާ އުސޫލުން ކަމަށެވެ.
