އިމްރާން ޚާންގެ ޕާކިސްތާން ތަޙުރީކޭ އިންސާފް ޕާޓީން ވެރިރަށުގައި މުޒާހަރާ ކުރާނެކަމަށް ބުނެ އިންޒާރު ދިނުމުން ސިފައިން މަގު މައްޗަށް ނެރުމަށް ނިންމައި އިސްލާމްއާބާދުގެ މަގުތަކުގައި ކޮންޓެއިނާ ބަހައްޓައިގެން މަގުތައް ބަންދުކޮށްފިއެވެ.
ފުލުހުން ވަނީ ސަލާމަތީ ސަބަބުތަކަށްޓަކައި، އިސްލާމްއާބާދުން 400 މީހުން ހައްޔަރުކޮށްފައެވެ. އިސްލާމްއާބާދުގެ މަގުތައް ބަންދުކުރުމަށް 100 ކޮންޓެއިނާ ޖަހާފައި ވެއެވެ.
މީޑިއާ ރިޕޯޓުތައް ބިނާ ގޮތުން ބަންދުކޮށްފައި ވަނީ ހަމައެކަނި ޑީ ޗޯކް ސަރަހައްދެވެ. އެއީ ވެރިރަށުގައި މުޒާހަރާތައް ބޭއްވުން މަނާ ރެޑް ޒޯނެވެ.
އޭގެ އިތުރުން އިސްލާމްއާބާދާއި ރާވަލްޕިންޑީގައި މީހުން އެއްވެއުޅުންވެސް ވަނީ މަނާ ކޮށްފައެވެ. ހަރަކާތްތެރިވުމަށް ހުއްދަ ކޮށްފައި ވަނީ އަންހެނުންނާއި ކުޑަ ކުދިންނާއި ނޫސްވެރިން އެކަންޏެވެ. އަދި އިސްލާމްއާބާދާއި ރާވަލްޕިންޑީގައި ބަސްދަތުރާއި މެޓްރޯ ދަތުރުތައް ވެސް ވަނީ ހުއްޓާލާފައެވެ.
ޕާކިސްތާން ހޯމް މިނިސްޓްރީން ވަނީ ވީއައިޕީތައް އިސްލާމްއާބާދުގައި އުޅުއްވާތީއާއި އަދި އިތުރު ވީއައޕީ ދަތުރުތައް ހަމަޖެހިފައިވާތީ ޑީ ޗޯކްގައި މުޒާހަރާ ނުކުރުމަށް އެދިފައެވެ.
