ޙަމާސްގެ ލީޑަރަކީ، އިޒްރޭލުން އެންމެ ޖެލިހުންވާ ޢަރަބި އިސްލާމީ ޝަޚުޝިއްޔަތެވެ. އަދި އޮކްޓޯބަރު މަހަކީ އިޒްރޭލުގެ ތާރީޚުގައި އެންމެ ސުންޕާ މަސްކަމުން އިޒްރޭލު މަސްއޫލުވެރިން، ސިންވާރާއި އޮކްޓޯބަރު މަހާ ގުޅުވާލާހިނދު ނަފްސާނީ މައްސަލައަކަށް ވެގެން ދެއެވެ.
އިޒްރޭލު މީޑިއާ މޮނީޓާ ކުރުމުން ފަލަސްޠީނުގެ އެންމެ ކާމިޔާބު ޙަމަލައަށް އަހަރު ފުރެން އަންނައިރު، އިޒްރޭލު މަސްއޫލުވެރިން ބިރުގަނެފައިވާ މިންވަރު ހާމަވެގެން ދެއެވެ.
މިދުވަސް ވަރު އިޒްރޭލު މީޑިއާއަށް އެންމެ ޝައުޤުވެރި ޝަޚުޞިއްޔަތަކީ، ޔަޙުޔާ ސިންވާރެވެ!
ހަމާސްގެ ލީޑަރު ޔަޙުޔާ ސިންވާރު ވާހަކަ ދެއްކެވިއަސް އަދި ހިމޭނުން ހުންނެވިއަސް އިޒްރޭލު އޭނާ ދެކެ ބިރު ގަނެއެވެ. މުވާސަލާތީ ސާމާނުތަކަށް ޒަޔަނިސްޓުން އަމާޒުކޮށް މުސްލިމުންގެ ޙަރަކާތްތަކަށް ފާރަލަމުން ދިއުމާއި މުވާސަލާތީ ވަސީލަތްތަކަށް އަމާޒުކޮށް ޓެރަރިސްޓް ޙަމަލާތައް ދެމުން ދިއުމާ ގުޅިގެން ޔަޙުޔާ ސިންވާރު ވަނީ މުވާސަލާތީ ވިއުގައިން ގެއްލިފައެވެ.
ޔަޙުޔާ ސިންވާރުގެ ޚަބަރެއް ނުވުމުން، އިޒްރޭލު މީޑިއާއިން އިއްޔެ ބުނެފައި ވަނީ، ސިންވާރު ގެންދަވަނީ 7 އޮކްޓޯބަރު އަންނަ އިރަށް އިރޭލަށް ވަރުގަދަ ޙަމަލައެއް ދޭން ތައްޔާރު ވަމުން ކަމަށެވެ. ނަމަވެސް މިއަދު އިޒްރޭލު ސިފައިންނާއި ޖާސޫސީ ފަރާތްތަކުން އިނގިރޭސި ނޫސްތަކަށް ވަނީ އެހެން ވާހަކައެއް ފާއްދާލާފައެވެ.
މިއަދު އިނގިރޭސި ނޫސްތަކަށް ޒަޔަނިސްޓު ޓެރަރިސްޓް ސަރުކާރާ ގުޅުން ހުރި ފަރާތްތަކުން ފާއްދާލާފައިވާ މައުލޫމާތުގައި ބުނެފައި ވަނީ ސިންވާރުގެ ޚަބަރެއް ނުވަނީ އޭނާ ޝަހީދު ވުމުން ކަމަށެވެ.
