އިންޑިއާއިން އިންތިޒާމު ކުރާ މަލާބާރު އެކްސަސައިޒް މިމަހުގެ 8ން ފެށިގެން ވިސާކަޕަޓްނަމްގައި ކުރިއަށް ދާނެއެވެ. މިއަހަރު އިންޑިއާއިން ބާއްވާ މި ތަމްރީނުގައި އޮސްޓްރޭލިއާ، ޖަޕާން، އަދި އެމެރިކާ ހިމެނޭ ކުއަޑްގެ ގައުމުތަކުން ވެސް ބައިވެރިވާނެ އެވެ.
މަލާބާރު އެކްސަސައިޒަކީ، ކަނޑުގެ ސިފައިން ގުޅިން އެއްގޮތަކަށް ހަރަކާތްތެރިވުމަށް ތަމްރީނު ކުރުމަށް 1992ން ފެށިގެން އިންޑިއާއިން ބާއްވަން ފެށި ތަމްރީނެކެވެ.
މިހާރު އެތައް ޤައުމަކުން ބައިވެރިވާ މި ތަމްރީން މިހާރު ވަނީ، ދެފަރާތުގެ ސިފައިންގެ ޚިޔާލު އެއްގޮތް ކުރުމަށާއި ބައިވެރިން ޙިއްސާ ކުރާ ކަނޑުގެ ސަރަހައްދުގެ ގޮންޖެހުންތައް ހައްލުކުރުމުގެ މަގުސަދުގައި ބާއްވާ މުހިންމު މަލްޓިލެޓަރަލް އިވެންޓަކަށް ވަނީ ބަދަލުވެފައެވެ.
މި ތަމްރީނުގައި އިންޑިއާގެ ކަނޑުގެ ސިފައިންގެ އެކި ޕްލެޓްފޯމްތައް ބައިވެރިވާނެއެވެ. އޭގެ ތެރޭގައި ގައިޑްޑް މިސައިލް ޑިސްޓްރޯޔަރާއި މަލްޓި ޕާޕަސް ފްރިގޭޓްތަކާއި ސަބްމެރިންތަކާއި ފިކްސްޑް ވިންގް އެއާކްރާފްޓާއި ފަޔަރ އެއާކްރާފްޓް އަދި ހެލިކޮޕްޓަރުތައް ވެސް ބައިވެރިވާނެއެވެ.
އޮސްޓްރޭލިއާ އިން އެމްއެޗް-60އާރު ހެލިކޮޕްޓަރާއި ޕީ8 މެރިޓައިމް ޕެޓްރޯލް އެއާކްރާފްޓާއެކު އެންޒެކް ކްލާސް ފްރިގޭޓް އަދި މަނަވަރެއް ޑިޕްލޮއި ކުރާއިރު، އެމެރިކާގެ ނޭވީން ހެލިކޮޕްޓަރާއި ޕީ8 މެރިޓައިމް ޕެޓްރޯލް އެއާކްރާފްޓާއެކު ޑިސްޓްރޯޔަރަކާއި މަނަވަރު ޑިވީ ބައިވެރި ކުރާނެ އެވެ. ޖަޕާނުން މި ތަމްރީނުގައި ބައިވެރިވާނީ ޑިސްޓްރޯޔަރު މަނަވަރަކާއެކުގައެވެ. އަދި މި ތަމްރީނުގައި ހަތަރު ގައުމުގެ ސްޕެޝަލް ފޯސްތަކުން ވެސް ބައިވެރިވާނެ އެވެ.
