އީރާނުގެ ހުރިހާ އެއަރޕޯޓްތަކެއްގެ ދަތުރުތައް މިރޭ 21:00 އިން ފެށިގެން 6:00 އަށް ކެންސަލް ކޮށްފައިވާކަން އިރާނު ސަރުކާރުން އިއުލާން ކޮށްފިއެވެ.
އިރާނަށް މިރޭ 21:00 ވާން ގާތްގަނޑަކަށް ބާކީ އޮތީ 2 ގަޑިއިރެވެ.
އީރާނުގެ ކަމާބެހޭ ފަރާތްތަކުން ޕައިލެޓުންނަށް ފޮނުވި ނޯޓިސްގައި ބުނީ ފްލައިޓްތައް ކެންސަލް ކުރިކަމަށެވެ. އެކަމަކު "ކުއްލި ފްލައިޓާއި ފެރީ ފްލައިޓް އަދި ދައުލަތުގެ މަތިންދާބޯޓު" އަށް އިސްތިސްނާތަކެއް ވަނީ ކަނޑައަޅައިފަ އެވެ.
އިރާނުގެ ދައުލަތުގެ ނޫހެއް ކަމަށްވާ "އިރްނާ" އިން ބުނީ އެއަރޕޯޓްތައް ބަންދުކުރުމަށް "އޮޕަރޭޝަނަލް ރެސްޓްރިކްޝަންސް" ތަކެއް ހުރި ކަމަށާއި އެއީ މިދިޔަ ހަފްތާގައި އީރާނުން މިސައިލް ހަމަލާއެއް ދިނުމަށް ފަހު އިސްރާއީލުން ކައުންޓަރ އެޓޭކެއް ދޭނެ ކަމަށް ބެލެވޭ ކައުންޓަރ އެޓޭކާއި ގުޅުން ހުރި ކަމެއް ކަމަށް ވެދާނެ އެވެ.
ސަހްޔޫނީ އިޒްރޭލުން ދަނީ އެމެރިކާއާ ގުޅިިގެން އިރާނަށް ވަރުގަދަ ހަމަލާއެއް ދިނުމަށް ތައްޔާރު ވަމުންނެވެ. އެމެރިކާގެ ސެންޓަރަލް ނޭވީގެ ކޮމާންޑުގެ ކޮމާންޑަރު މީގެ ދެ ދުވަހެއް ކުރިން އިޒްރޭލަށް ގޮސް އިރާނަށް ހަމަލާ ދެވިދާނެ ގޮތްތަކާ ގުޅޭ ގޮތުން ޒަޔަނިސްޓުންނާއެކު ވަނީ މަޝްވަަރާ ކޮށްފައެވެ.
މުހައްލިލުން ވިދާޅުވާ ގޮތުގައި އިޒްރޭލާއި އެމެރިކާއިން ހަމަލާދޭނީ އިރާނުން ތެޔޮ އުފައްދާ ކާރުޚާނާތަކަށާއި ހަކަތަ އުފައްދާ އިންޖީނުގެ ތަކަށެވެ.
