ޙަމާސްއިން ފެށި މިނިވަންކަމުގެ ހަނގުރާމައިގެ އަސަރުކަތާ ބެހޭ ގޮތުން މަޢުލޫމާތު ހޯދުމަށް އިޒްރޭލުގެ މައާރީފް ނޫހުންވެސް ޚިޔާލު ހޯދުމެއް ކުރިއަށް ގެންދިޔައެވެ. އެ ޚިޔާލު ހޯދުމުގެ ނަތީޖާ ދައްކާ ގޮތުން، ޒަޔަނިސްޓު އާބާދީގެ ތިންބައިކުޅަ އެއްބައި މީހުން ބޭނުން ވަނީ ފަލަސްޠީނުގައި އިންދާފައިވާ ޒަޔަނިސްޓު ދައުލަތް ދޫކޮށް ބޭރުވެގެން ދާށެވެ. އަދި ހަނގުރާމަ އިތުރަށް ފުޅާވުމުގެ ފުރުސަތު އޮތުމާއެކު އެކަމާ މެދު ވިސްނަމުންދާތާ އަހަރެއް ވެފައިވާ ކަމަށްވެސް ޒޔަހޫދުން ބުނެއެވެ.
- އިޒްރޭލު ދައުލަތެއްގެ ގޮތުގައި ދެމި ނޯންނާނެ ކަމަށްވެސް ގިނަ ބަޔަކު ޤަބޫލު ކުރާ ކަމަށް މައާރީފް ނޫހުގައި ބުނެފައި ވެއެވެ. ބައެއް މީހުން ބުނެފައި ވަނީ، އިޒްރޭލުގެ މުސްތަގްބަލާމެދު އެމީހުންނަށް އެއްޗެއް ބުނަން ނޭނގޭ ކަމަށް ނޫނީ ބުނަން ބޭނުން ނުވާކަމަށެވެ. އަދި ގިނަ ބަޔަކު ބުނަނީ އިޒްރޭލަކީ ހިތް ހަމަޖެހިގެން އުޅެން އެކަށީގެންވާ ޤައުމެއް ނޫން ކަމަށެވެ.
- 35 އިންސައްތަ މީހުން ބުނަނީ އިޒްރޭލުން ހިޖުރަ ކުރުމާ ބެހޭ ގޮތުން މަޢުލޫމާތު ހޯދުމަށް މަސައްކަތް ކުރިކަމަށް.
- 24 އިންސައްތަ ބުނެފައި ވަނީ އިޒްރޭލު އެއްކޮށް ދޫކޮށްލައި އެހެން ގައުމެއްގައި ވަޒަންވެރިވުމުގެ ފުރުސަތާ މެދު ދިރާސާ ކުރިކަމަށް.
- 11 އިންސައްތަ ބުނެފައި ވަނީ ވަގުތީ ގޮތުން ހިޖުރަކޮށްލުމަށް ދިރާސާ ކުރިކަމަށް.
- 21 އިންސައްތަ މީހުން ބުނެފައި ވަނީ އެމީހުންގެ ދަރިން އިޒްރޭލުގައި ދިރިއުޅެން ބޭނުން ނުވާކަމަށް.
- 66 އިންސައްތަ މީހުން ބުނެފައި ވަނީ އިޒްރޭލަކީ ދިރިއުޅެން އެއްގޮތަކަށް ވެސް އެކަށީގެންވާ ތަނެއް ނޫން ކަމަށް.
- 49 އިންސައްތަ މީހުން ބުނެފައި ވަނީ އިޒްރޭލުގައި އަމާން ކަން އިހުސާސް ނުކުރެވޭ ކަމަށް.
- 33 އިންސައްތަ މީހުން ބުނެފައި ވަނީ އެއީ ދިރިއުޅެން ހިތްގައިމު ތަނެއް ކަމަށް.
- 41 އިންސައްތަ މީހުން ބުނެފައި ވަނީ ސަލާމަތީ ކަންކަމުގައި ޒަޔަނިސްޓް ސަރުކާރަށް އިތުބާރު ނުކުރެވޭ ކަމަށް.
މައާރީފްގެ ސާވޭއިން ދައްކާ ގޮތުން އިޒްރޭލުގައި ދިރިއުޅެން ބޭނުން ވަނީ އުމުރުން ދުވަސްވީ ޒަޔަނިސްޓު ޔަހޫދުންނާއި، ދީނީ ހަރުކަށި މީހުންނާއި، އުސޫލީ ޔަހޫދީންނާއި، ނަތަންޔާހޫގެ ސަރުކާރުގެ ޕާޓީތަކަށް ވޯޓުލާ މީހުންނެވެ.
ޒަޔަނިސްޓުންގެ އުމުރުން 30 އަހަރާއި 44 އަހަރާ ދެމެދުގެ ޒުވާނުންނާއި ޒުވާން ދެމަފިރިންނާއި އިދިކޮޅު ޕާޓީތަކަށް ސަޕޯޓު ކުރާ މީހުން ބޭނުން ވަނީ ޒަޔަނިސްޓުންގެ ދައުލަތް ދޫކޮށް ދާށެވެ.
އިތުރަށް ކިޔާލުމަށް:
7 އޮކްޓޯބަރުގައި ފަލަސްޠީނު މީހުންނަށް ނަސްރު ލިބުނު
