ޕާކިސްތާނުގައި ކޮންމެ 8 އަންހެނަކުން އެކަކަކީ، އުރަމަތީގެ ކެންސަރު ޖެހިފައިވާ މީހެއް ކަމަށާއި އެއީ އެގައުމުގައި އެންމެ ގިނައިން ފެންނަ ކެންސަރު ކަމަށް ޕާކިސްތާންގެ ނިއުކްލިއާ މެޑިސިން، އޮންކޮލޮޖީ، އެންޑް ރޭޑިއޯތެރަޕީ އިންސްޓިޓިއުޓް (ނޯރީ) އިން އާންމު ކުރި ތަފާސްހިސާބުން އެނގެއެވެ.
މިތަފާސްހިސާބު ހާމަކޮށްފައި ވަނީ، އިސްލާމްއާބާދުގެ ނޯރީ ހޮސްޕިޓަލަށް ޒިޔާރަތްކުރި ހެލްތު ސެކްރެޓަރީ ޝާހިދާ ރަހްމާނީ ފަށްޓަވައި ދެއްވި، އުރަމަތީގެ ކެންސަރަށް ހޭލުންތެރިކަން އިތުރުކުރުމަށް ކުރިއަށް ގެންދިއުމުގެ ތެރޭގައި އަންހެނު ޕާލަމެންޓް މެމްބަރުންނަށް މައުލޫމާތު ދިނުމަށް ބެއްވެވި ބައްދަލުވުމުގައެވެ. ޕާކިސްތާންގައި އުރަމަތީގެ ކެންސަރަށް ހޭލުންތެރި ކުރުމަށް އެއް މަސް ދުވަހުގެ ކެމްޕޭނެއް ވަނީ އިފްތިތާޙުކޮށްފައެވެ. ޕާކިސްތާންގައި މި ވައްތަރުގެ ކެންސަރު އާންމު ވަނުން ދިއުމާ ގުޅިގެން ޝަހްބާޒް ޝަރީފްގެ ސަރުކާރުން ވަނީ ޚާއްސަ މަސައްކަތެއް ފަށްޓަވާފައެވެ.
