ޓިއުނީޝިއާގެ ރިއާސީ އިންތިޚާބު، ރައީސް ޤައިސް ސަޢިއްޔިދު ކާމިޔާބު ކުރައްވައިފިއެވެ. އިލެކްޝަންސް އޮތޯރިޓީން އިއުލާން ކުރި ގޮތުގައި ޤައިސް ސަޢިއްޔިދު އިންތިޚާބު ކާމިޔާބު ކުރެއްވީ، 90.7 އިންސައްތައުގެ ވޯޓުން ނެވެ. 2021 ވަނަ އަހަރުން ފެށިގެން ރައީސްގެ މަޤާމު ފުރުއްވަމުން ގެންދަވަނީ ޤައިސް ސަޢިއްޔިދުއެވެ.
ރޮއިޓާސް އިން ބުނާ ގޮތުގައި ސަޢިއްޔިދަށް ތާއީދުކޮށް 2.4 މިލިއަން މީހުން ވޯޓުދީފައި ވެއެވެ. އޭނާއާ ވާދަ ކުރީ ޖަލުގައި ހުންނެވި، އަލްޢަޔާޝީ ޒައްމާލް އެވެ. އޭނާއަށް ލިބިފައި ވަނީ 7.35 އިންސައްތަ ވޯޓެވެ.
މިއީ 2011 ވަނަ އަހަރު ޒައިނަލްޢާބިދީން ބިން ޢަލީގެ ވެރިކަން ވައްޓާލި އިންގިލާބަށް ފަހު އެންމެ މަދުން މީހުން ވޯޓުލާން ނިކުތް ފަހަރެވެ.
