ޖައްމޫ އެންޑް ކަޝްމީރުގެ އިންތިޚާބަށް ފަހު، އައު ސަރުކާރު އެކުލަވާލައި ޗީފް މިނިސްޓަރަށް ވެވަޑައިގަންނަވާނީ، ޢުމަރު ޢަބްދުﷲ ކަމަށް ބެލެވެއެވެ. ނޭޝަނަލް ކޮންފަރެންސްގެ ވެރިޔާ, އަދި ޢުމަރު ޢަބްދުﷲގެ ބައްޕަ، ފާރޫގު ޢަބްދުالله ވިދާޅުވީ ސްޓޭޓް އެސެމްބްލީގެ އިންތިޚާބުގައި ރައްޔިތުން ވަނީ ސަރުކާރެއް އެކުލަވާލުމަށް މެންޑޭޓް ދީފައި ކަމަށެވެ. އުމަރު ޢަބްދުﷲ ވެސް ވަނީ އޭނާ ވާދަކުރެއްވި ގޮނޑި ކާމިޔާބު ކުރައްވާފައެވެ.
މިހާރުގެ ނަތީޖާ ދައްކާ ގޮތުން، ނޭޝަނަލް ކޮންފަރެންސް އުޅެނީ 42 ގޮނޑި ކުރީގައެވެ. މިއީ 9 އަހަރަށް ފަހު، ނޭޝަނަލް ކޮންފަރެންސް ވެރިކަމަށް އަންނަ ފަހަރެވެ.
މީގެ ކުރިން 2009ން 2015އަށްވެސް ޢުމުރުން 54 އަހަރުގެ ޢުމަރު ޢަބްދުﷲ ވަނީ ޗީފް މިނިސްޓަރުކަން ކުރައްވާފައެވެ.
