ދެވަނަ ބޮޑު ހަނގުރާމައިން ޔޫގޯސްލާވިއާ މިނިވަން ކުރެއްވި ލީޑަރުގެ މަޤްބަރާ، ބެލްގްރޭޑުން ބޭރުކޮށްލުމަށް ސަރބިއާގެ ވެރިރަށުގެ މޭޔަރ ނިންމައިފިއެވެ.
ޖޯސެފް ބޮރޮންޒް ޓީޓޯއަކީ ދެވަނަ ބޮޑު ހަނގުރާމައިގައި ނާޒީން ބަލިކޮށް ޔޫގޯސްލާވިއާ އިއްތިޙާދު ކުރެއްވި ލީޑަރެވެ. އޭނާ އަވަހާރަ ވުމުގެ ދިހަ އަހަރު ފަހުން ސިޔާސީ ކޯޅުންތަކާއެކު އޭނާ ބިނާ ކުރެއްވި ދައުލަތް އެތައް ޖުމްހޫރިއްޔާއަކަށް ރޫޅާލެވުނީއެވެ.
ޓީޓޯގެ މަޤްބަރާއަކީ، އަހަރަކު އެއްލައްކައަށް ވުރެން ގިނަ މީހން ޒިޔާރަތް ކުރާ މަޒާރެކެވެ.
ޓީޓޯ އުފަންވެވަޑައިގަތީ ކްރޮއޭޝިއާގެ އަވަށެއްގައެވެ. އެއަވަށުގެ މީހުން ބުނެފައި ވަނީ، ބެލްގްރޭޑުން، ޓީޓޯ ބޭރުކޮށްލަނީނަމަ އެމީހުން މަރުޙަބާ ކިޔާނެ ކަމަށެވެ. ބޮސްނިއާއާއި މޮންޓެނިގްރޯއިންވެސް ބުނެފައި ވަނީ އެމީހުންވެސް ތިބީ ޓީޓޯއަށް މަރުޙަބާ ކިޔަން ތައްޔާރަށް ކަމަށެވެ.
ބޮސްނިޔާގެ ރައީސް ވަނީ އޭނާގެ ޕާޓީން ވެރިކަން ކުރާ ބެލްގްރޭޑްގެ މޭޔަރާ ޚިޔާލު ތަފާތުކަމަށް ވިދާޅުވެފައެވެ. ބޮސްނިޔާ ރައީސް ވިދާޅުވީ ޓީޓޯއަކީ އެޤައުމުގެ ތާރީޚުން ބައެއް ކަމަށެވެ. އަދި އެހާ ފަސޭހައިން ތާރީޚު ފޮހެ ނުލެވޭނެ ކަމަށެވެ.
ބެލްގްރޭޑް އެންމެ މަޝްހޫރު އަދި ޔޫގޯސްލާވިއާގެ ތާރީޚާ ގުޅުފައިވާ ޔޫގޯސްލާވިއާ ހޮޓެލް ތަޅާލުމަށްފަހު ކެސިނޯއަކާއެކު ހަރޮށިބިނާއެއް ކުރުމަށް ވެސް ވަނީ ނިންމާފައެވެ.
އެމެރިކާގެ ޓްރަމްޕްގެ ދަނބިދަރި ވަނީ އޭނާގެ ސައޫދީ ޕާޓްނަރުންނާއެކު، ޔޫގޯސްލާވިއާގެ ސިފައިންގެ މަރުކަޒު ހުރިތަނުގައި، ބޮޑު ހޮޓަލެއް ބިނާ ކުރުމަށްވެސް ނިންމާފަވެ.
