ޖަޕާނުގެ ބޮޑުވަޒީރު ޝިގޭރޫ އިޝިބާ ވަނީ އާންމު އިންތިޚާބަކަށް މަގުފަހި ކުރެއްވުމުގެ ގޮތުން ޕާލަމެންޓް އުވައި ލައްވާފައެވެ. އައު އިންތިޚާބު އޮންނާނީ އޮކްޓޯބަރު 27 ގައެވެ.
އިޝިބާ ބޮޑު ވަޒީރު ކަމާ ހަވާލުވެ ވަޑައިގަތީ މިދިޔަ ހަފްތާގައެވެ. އޭނާއަށް ވެރިކަން ލިބި ވަޑައިގަތީ، ބޮޑު ވަޒީރު ފުމިއޯ ކިޝީޑާ އިސްތިއުފާ ދެއްވުމުންނެވެ. ކޮރަޕްޝަންގެ މައްސަލަތަކުގައި މަޤްބޫލުކަން ގެއްލިފައިވާ ކިޝީޑާ އިސްވެ ހުންނެވީ ވެރިކަންކުރާ ލިބަރަލް ޑިމޮކްރެޓިކް ޕާޓީގެ އިސްމަގާމުގައި 3 އަހަރު ވަންދެންނެވެ.
