ޔުކްރެއިންއިން ޔޫރަޕްގެ ޕާލަމެންޓަށް މިސައިލް ހަމަލައެއް ދިނުމަށް، ސްލޮވާކް ޖުމްހޫރިއްޔާގެ ބޮޑު ވަޒީރު ގޮވާލައްވައިފިއެވެ. ސްލޮވާކް ބޮޑު ވަޒީރު ރޮބަޓް ފީކޯ މިގޮތަށް ގޮވާލެއްވީ، ރަޝިޔާއަށް ބާރުގަދަ މިސައިލުން ހަމަލަ ދިނުމަށް ޔޫރަޕްގެ ޕާލަމެންޓްގެ މެމްބަރުން ގޮވާލުމާ ގުޅިގެންނެވެ. ބްރަސެލްސްއަށް މިސައިލް ހަމަލާއެއް ދިނުމުން އެމީހުންނަށް "އެކިޔެނީ އަސްލު ކީކޭކަން ވިސްނޭނެ" ކަމަށް އޭނާ ވިދާޅުވިއެވެ.
ރަޝިޔާއަށް ބާރުގަދަ ޙަމަލައެއް ދޭ ހިނދު، ޔޫރަޕްގައި ބާރަށް އަތްތިލަބަޑި ޖަހާ އަޑު ގަދަވެ، ފޯރިގަދަ ކަމާއެކު އުފާފާޅުކުރަމުންދާތީ ހިތާމަ ކުރައްވާ ކަމަށްވެސް އޭނާ ވިދާޅުވިއެވެ. އަދި އެފަދަ ފަރާތްތަކުން ބޭނުން ވަނީ ހަނގުރާމަ ދަމަހައްޓަން ކަމަށް އޭނާ ވިދާޅުވިއެވެ.
ރަޝިޔާއަށް ދުރުރާސްތާގެ މިސައިލުން ހަމަލާދިނުމުގެ ހުއްދައަށް ޔޫކްރޭންގެ ރައީސް ވޮލޮޑިމިއާ ޒެލެންސްކީ ގެންދަވަނީ އެމެރިކާގައި އެދެމުންނެވެ.
