ށ. ނޫމަރާ ބަނދަރު ތަރައްޤީކުރުމުގެ މަޝްރޫޢުގެ ދަށުން، މަސައްކަތަށް ބޭނުންވާ އެއްގަމު ތޮށީގެ ބްލޮކްގެ އެންމެ ފަހު ޝިޕްމެންޓް މިހާރު ޕްރޮޖެކްޓް ސައިޓަށް ގެންދެވިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީން މިހެން ބުނީ އެ ކުންފުނީގެ ސޯޝަލް މީޑިއާގައި މިއަދު ކޮށްފައިވާ ޕޯސްޓައްގައެވެ. އެކުންފުނިން ޕޯސްޓުގައި އިތުރަށް ބުނެފައިވަނީ ނޫމަރާ ބަނދަރު ތަރައްޤީކުރުމުގެ މަޝްރޫޢުގެ ދަށުން، އެއްގަމު ތޮށި ލުމުގެ މަސައްކަތް މިހާރު ކުރިއަށް ދާކަމަށެވެ.
ށ. ނޫމަރާ ބަނދަރު ތަރައްޤީކުރުމުގެ މަޝްރޫޢުގެ މަސައްކަތްތަކުގެ ތެރޭގައި 34,386 ކިއުބިކް މީޓަރުގެ އައު ބަނދަރު ސަރަޙައްދެއް ކޮނުމާއި، 5,076 ކިއުބިކް މީޓަރުގެ މެއިންޓެނަންސް ކޮނުމުގެ މަސައްކަތާއި، 2,920 ކިއުބިކް މީޓަރުގެ ޗެނަލް ކޮނުމުގެ މަސައްކަތާއި، 32 މީޓަރުގެ މިހާރު ހުރި ކީވޯލް މަރާމާތުކޮށް 177 މީޓަރުގެ ކީވޯލެއް އެޅުމުގެ މަސައްކަތް ހިމެނެއެވެ.
މި މަޝްރޫޢުއަކީ 53.3 މިލިއަން ރުފިޔާގެ މަޝްރޫޢުއެކެވެ،
