އެމެރިކާގެ ފްލޮރިޑާއަށް އެރި ޠޫފާނުގެ ވީޑިއޯތަކުގެ ބިރުވެރިކަމުން، އާދު އަދި ޘަމޫދު ބާގައިގެ މީހުންނަށް އެރި ޠޫފާންތައް ހުންނާނެ ގޮތް ޚިޔާލަށް ގެނެވެއެވެ.
އެމެރިކާއަށް ޠޫފާނެއް އަރާ ކޮންމެ ފަހަރަކު ބޮޑެތި ގެއްލުންތަކެއް ދެއެވެ. މުހައްލިލުން ބުނަނީ، މިހާރު ފްލޮރިޑާއަށް އަރާފައިވާ މިލްޓަން ޠޫފާނުގެ ސަބަބުން ލިބޭ ގެއްލުންތައް 60 ބިލިއަން ޑޮލަރާއި 100 ބިލިއަން ޑޮލަރާ ދެމެދު އުޅޭނެ ކަމަށެވެ. މީގެ ކުރިން މިވަރުގެ ގެއްލުމެއް ދީފައި ވަނީ 2022ގައި އެރި ކެޓްރީނާ ޠޫފާނުންނެވެ. އެ ޠޫފާނުގައި 60 ބިލިއަން ޑޮލަރުގެ ގެއްލުން ދީފައި ވެއެވެ.
ކޮންމެ ޠޫފާނަކާއެކު އިންޝޫރެންސް ކުންފުނިތަކަށް ބޮޑެތި ގެއްލުންތަކެއް ވެއެވެ. އިންޝޫރެންސް ކޮށްފައި ހުންނަ ތަންތަނަށް ގެއްލުން ލިބުމުން އެ ކުންފުނިތަކުން ކަސްޓަމަރުންނަށް ދައްކަން ޖެހޭ އަދަދު އިތުރު ވެގެން ދެއެވެ.
މިލްޓަން ޠޫފާން އަރާނެ ކަމަށް ލަފާކޮށް މިއަހަރުގެ ކުރީކޮޅު އިންޝޫރެންސް ކުންފުނި ލުއޭޑުން ވަނީ އޭގެ ސަބަބުން އިންޝޫރެންސް ކުންފުނިތަކަށް 134 ބިލިއަން ޑޮލަރުގެ ގެއްލުމެއް ވާނެ ކަމަށް ބުނެފައެވެ.
ޠޫފާނުން ލިބޭނެ ގެއްލުން ހިސާބުކުރަމުން ސްޓޭންޑަރޑް އެންޑް ޕޮރ އިން ބުނެފައި ވަނީ، ފްލޮރިޑާގެ ހުރިހައި ހިސާބަކަށް ލިބޭ ގެއްލުމުގެ ބަދަލު ދިނުމަށް އިންޝޫރެންސް ކުންފުނިތަކުގެ ގެއްލުން ގާތްގަނޑަކަށް 245 ބިލިއަން ޑޮލަރަށް އަރާނެ ކަމަށެވެ.
