ބޯލްކަން ސަރަހައްދުގެ އެންމެ ބޮޑު މިސްކިތް ތުރުކީގެ ރައީސް ރަޖަބް އެރްދުޣާން އިފްތިތާޙުކޮށްދެއްވައިފިއެވެ. އަލްބޭނިއާގެ ޓީރާނާގައި އިފްތިތާޙުކޮށްދެއްވި ނަމާޒްގާހް މިސްކިތަކީ ތުރުކީގެ އެހީގައި ބިނާކޮށްފައިވާ މިސްކިތެކެވެ.
އަލްބޭނިއާގެ ޕާލަމެންޓާ ކައިރީގައި ބިނާކޮށްފައިވާ މިސްކިތް އިމާރާތް ކުރުމަށް ތުރުކީ ސަރުކާރުން 34 މިލިއަން ޑޮލަރު ހޭދަ ކުރިއެވެ.
އަލްބޭނިއާގެ ރައީސް އީދީ ރާމާވެސް މި މިސްކިތް އިފްތިތާޙުކުރުމުގެ ރަސްމިއްޔާތުގައި ބައިވެރިވެ ވަޑައިގަތެވެ.
ނަމާޒްގާހް މިސްކިތުގެ މައި ހޯލުގައި އެއްފަހަރާ 8 ހާސް މީހުންނަށް ނަމާދު ކުރެވޭނެއެވެ، އަދި ފުރަތަމަ ފަންގިފިލާގައި 10 ހާސް މީހުންނަށް ނަމާދު ކުރެވޭނެއެވެ. ފުރަތަމަ ފަންގިފިލާގައި އިސްލާމީ މަރުކަޒެއްވެސް ހިމެނެއެވެ.
10 ހާސް އަކަފޫޓުގެ ބިމެއްގައި ހަދާފައިޥާ މިސްކިތް ނިމިގެން 1 އަހަރު ވަންދެން އިފްތިތާޙު ނުކޮށް މަޑުކޮށްފައި ވަނީ އިސްލާމީ ފިކުރީ ހަރަކާތެއްކަމަށްވާ ފަތުޙުﷲ ގޫލަންގެ ޖަމާޢަތުން އެމިސްކިތުގެ ބާރު ނަގާފާނެ ކަމަށް އެރުދުޣާނަށް ލަފާ ކުރެވުމުންނެވެ. ގޫލަން ޖަމާޢަތަކީ، ތުރުކީގައި ޓެރަރިސްޓް ޖަމާޢަތެއް ކަމަށް ކަނޑައަޅާފައިވާ އެރުދުޣާންގެ ސަރުކާރު ވައްޓާލުމަށް މަސައްކަތް ކުރިކަމަށް ތުހުމަތު ކުރެވޭ ބައެކެވެ.
