ފަލަސްޠީނާއި ލުބުނާންގައި ޒަޔަނިސްޓުން ހިންގަމުން ގެންދާ ޓެރަރިސްޓް ހަމަލާތަކުން ވާގި ލިބިގެން ކެނެޑާގައި މުސްލިމުންނާ ދެކޮޅަށް އިސްލާމޯފޯބިއާގެ ދެ ހަމަލައެއް އިއްޔެ ދީފިއެވެ. އޮންޓޭރިއޯގެ ލަންޑަންގައި ބުރުގާ އަޅައިގެން ތިބި ދެ އަންހެނަކަށް ވަޅިން ހަމަލަ ދީފައި ވެއެވެ. އަދި މެނިޓޯބާގެ ވިނިޕެގްގައި މިސްކިތަކަށް ހަމަލަ ދީފައި ވެއެވެ.
ކެނެޑާގެ ބޮޑު ވަޒީރު ޖަސްޓިން ޓުރޫޑޯ ވަނީ މި ޙަމަލާތައް ކުށްވެރިކުރައްވައި ޓުއިޓާގައި ބަޔާނެއް ނެރުއްވާފައެވެ.
"އިސްރޭލުން ހަދަމުން ދަނީ ރަނގަޅަށް. އިޒްރޭލުން އެ އޮތީ ސަޅިކޮށް ޣައްޒާ ކުރަހާލަ ދީފަ. ލުބުނާނަށްވެސް ހަދާނީ ހަމައެގޮތަށް." ވަޅިން ހަމަލަ ދިން މީހާ ގޮވަމުން ދިޔައެވެ.
2021ގައި އޮންޓޭރިއޯގައި އިސްލާމޯފޯބިއާގެ ހަމަލައެއްގައި 4 މުސްލިމަކު މަރާލާފައި ވެއެވެ.
2017 ވަނަ އަހަރު ކެބެކްގައި އިސްލާމޯފޯބިއާގެ ހަމަލައެއްގައި މިސްކިތަކަށް ޙަމަލަދީ 8 މުސްލިމަކު މަރާލާފައި ވެއެވެ.
ކެނެޑާގެ ޕާލަމެންޓުގެ ހިއުމަންރައިޓްސްއާ ބެހޭ ކޮމިޓީން ތައްޔާރުކޮށްފައިވާ ރިޕޯޓެއްގައި ބުނަނީ އިސްލާމޯފޯބިއާއަކީ ކެނެޑާގައި ބިންވަޅު ނެގިފައިވާ ކަމެއް ކަމަށެވެ.
