މުސްލިމުންނާ ދެކޮޅަށް އިސްލާމޯފޯބިއާގެ ވާހަކަތަކެއް ދެއްކުމުން ސްޕެއިންގެ ކެޓެލޯނިއާ ރީޖަންގެ މޭޔަރު ޖުރިމާނާ ކޮށްފިއެވެ. ރިޕޯލްގެ ހައްދުފަހަނައަޅާފައިވާ މޭޔަރު ސިލްވިއާ އޮރިއޮލްސް އަކީ އިސްލާމޯފޯބިއާއަށް އައު މީހެއް ނޫނެވެ.
11ހާސް ޔޫރޯއިން ޖުރިމާނާ ކޮށްފައިވާ މޭޔަރު ބުނެފައި ވަނީ ކެޓެލޯނިއާ ސަރަހައްދުގައި އުޅޭ މުސްލިމުންނަކީ އެ ހިސާބުގަނޑަށް ނުރައްކަލެއް ކަމަށެވެ.
ރިޕޯލަކީ، ފްރާންސްގެ ސަރަހައްދާ އިންވެގެން އޮންނަ އަވަށެކެވެ. މީގެ ކުރިން އޭނާގެ ދެއްކި ވާހަކަތަކެއްގައި ސްކޫލުތަކުގައި ޙަލާލު އެއްގަމު މަސް މަނާ ކުރުމަށްވެސް ގޮވާލާފައި ވެއެވެ.
މޭޔަރު ވަނީ މިދިޔަ އަހަރުގެ އޯގަސްޓް މަހު ސަރުކާރުގެ ސުއިމިންގ ޕޫލްތަކުގައި ބުރުގާ އަޅައިގެން ޕޫލަށް އެރުން މަނާކުރުމަށް ވެސް ގޮވާލާފައެވެ.
