ކެމެރޫންގެ ރައީސް ޕައުލް ބިއާ ގެއްލިފައިވާތާ މިހާރު 30 ދުވަސް ވެއްޖެއެވެ. އދގެ އާންމު މަޖިލީހުގެ ޖަލްސާތަކުގައި ވެސް ބިއާ ބައިވެރިވެވަޑައިގެންފައެއް ނުވެއެވެ. އަދި ދާދިފަހުން އޮތް ފްރޭންކްފޯން ޤައުމުތަކުގެ ވެރިންގެ ޖަލްސާއިންވެސް އޭނާ ފެނިވަޑައިގެންފައެއް ނުވެއެވެ.
ރައްޔިތުންގެ މެދުގައި ޕާޕާގެ ލަގަބުން މަޝްހޫރު ބިއާއާ މެދު ރައްޔިތުން މާބޮޑަށް ޝައުޤުވެރިވަނީ ކަމަށް ރިއާސީ ގަނޑުވަރުން ބުނެއެވެ. އަދި އުމުރުން 91 އަހަރުގެ ރައީސްގެ ޞިއްޙީ ޙާލުކޮޅު ރަނގަޅު ކަމަށް ގަނޑުވަރުން ޔަގީން ކޮށްދެއެވެ. ނަމަވެސް އޭނާގެ ފޮޓޯ ފިޔަވައި އިތުރު އެއްޗެއް މީހުންނަށް ފެނިފައެއް ނުވެއެވެ.
އެންޓިކޮރަޕްޝަންގެ މައްސަލަތައް ބަލާ އެންޖީއޯއަކުން ބިއާގެ ވެރިކަމުގެ ދުވަސްތަކާއި އޭނާގެ ޗުއްޓީ ދުވަސްތައް ޙިސާބު ކުރުމަށްފަހު ބުނެފައި ވަނީ ބިއާގެ ވެރިކަމުގެ 15 އިންސައްތަ އޭނާ ހޭދަ ކުރައްވާފައި ވަނީ ޗުއްޓީގައި ކަމަށެވެ. ޗުއްޓީ ހޭދަ ކުރައްވަން އޭނާ އެންމެ ގަޔާވާ މަންޒިލަކީ ޖެނީވާ ކޯރަށް އޮންނަ ޖެނީވާ ހޮޓެލްގައެވެ.
1982 ން ފެށިގެން ވެރިކަން ކުރައްވާ ބިއާ ވަނީ، ކޮރަޕްޝަންގެ ވިއުގައަކުން މަސްއޫލުވެރިން ގުޅުއްވައި ލެއްވުމަށްފަހު، އެންމެންގެ ރުހުމާއި ލޯބި ހޯއްދަވާފައެވެ.
